Lyrischer Wettstreit#

Gstanzl für Till#

Mei Deandl hoaßt Nannerl
hot regulierte Zannerl
hot zwoa weiße Knia
bevoa i s tätowiea

Andreas Safer, Musiker und Autor. (Foto: Aniada a Noar)

Des Taunzn is lustig
des Taunzn tuat gut
da DJ is eingraucht
jetzt scratscht in an fuat

Buama stehts zsaumm in Kroas
i sog dass google olls woaß
wie grouß wie schwaa du bist
wos du am liabstn isst
waunn du fremd gehst und wos du deinkst
des wissn dei scho läingst

Mei Deandl is liab
von hintn bis voan
owa mit die neign Finganägl
kaunn sie goa nix meha tuan

Mei Schotz is a Matscho
a Lump ohne Gfühl
i hob nix gscheits gfundn
und von dei gibts sou vüll

Owa Diandl ei, ei
in bin dein Chef und nicht treu
und wenn i di um wos bitt
daunn sei gscheit und tua mit
waunn die Oabeit net passt
waßt eh wos des haßt

Mei Deandl is schöin
hobs von außn betrocht
hobs von innen betrocht
do woa nua finstare Nocht

Host von die Madl nie gnua
bist a lustiga Bua
bist a lustiges Madl
sogt da Buam - sou a Fadl

Fuat auf d Nocht, hoam in da Fruah
sou hots da Voda gmocht
Scheidung in da Fruah fuat auf d Nocht
hot s drauf die Muada gmocht
auf und davaun
pfiat di Goutt liawa Maunn

Loust s euch die Showbänd aun
wias musizian
owa da Text is a Schaaß
do könnt s eich geniern

Jetzt homma holt gsungan
jetzt homma holt gspült
iwan oaman Maunn
und wia die Frau sich so fühlt
glei höa ma auf
und haun in Huat drauf
glei höa ma auf scheiß da Hund drauf

• Vorlauf
• Fortsetzung
• Von gelingenden Dialogen: Schreiben Sie! (Übersicht der Tips)