[{Image src='Kunst_und_Kultur/Volkskultur_und_Mythen/fabula/kafka.jpg' class='image_right' width='250' height='68'}]
!!!Siebn Leben hot a Kotz
!!(Mini Fabula Echo)
von __Eva Surma__\\
\\
Siebn Leben hot a Kotz\\
und ochte hob i.\\
I bin wos Besondres.\\
Wos Bessres findst nie.\\
Du net. Findst kane, wi mi.\\
\\
Du denkst, du wast olles.\\
Oba des wast du net:\\
I bin net so bled,\\
wia i tua,\\
bin i ned.\\
\\
Host wos auf da Plottn,\\
a bissl an Grips,\\
kannst du di leicht dumm stölln.\\
Und des kostet di nix.\\
\\
Bist oba deppert,\\
host an maroden Schädl,\\
kaunnst di net gscheit stölln.\\
Bleibst a depparta Wedl.\\
\\
Du host holt an Dünkel\\
Du glaubst, du bist fix.\\
Da holt i di Pappn\\
und sog lieba nix.\\
\\
Siebn Leben hot a Kotz\\
und ochte hob i.\\
I schluck meine Einwänd.\\
Olles Magie.\\
Siebn Leben vataun.\\
Des verzeih i ma nie.\\
\\
Und drischt du mi wida,\\
oda mei Kotz,\\
druck i auf Reset:\\
Wos as wiagt, Schatzerl, hots.\\
\\
Host wos auf da Plottn,\\
a bissl an Grips,\\
kannst du di leicht dumm stölln.\\
Und des kostet di nix.\\
\\
Bist oba deppert,\\
bist a gounz schlichtes Weh,\\
kaunnst di net gscheit stölln.\\
Los mi anglahnt! I geh.\\
----
>[Mini Fabula: Echo|Kunst_und_Kultur/Volkskultur_und_Mythen/echo] (Übersicht)
>>[Eva Surma|Kunst_und_Kultur/Volkskultur_und_Mythen/surma] (Übersicht)
[{Metadata Suchbegriff='Eva Surma, Mini Fabula, bibliophil, Künstliche Intelligenz, Netzkultur, Tesserakt, Archipel Gleisdorf, Feuilleton' Kontrolle='Nein'}]
----

----