Page - 385 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

I. Österreich: Hofspitäler (Edition Nr. 1–16) Nr. 1 Ordnung des Hofspitals in Wien. Wien, 1551 Mai 4 Archiv: ÖStA, HKA, Gedenkbuch 65, fol. 495v–498/1r–7v (A) Druck: Scheutz–WeiSS, Spitalordnung 306–321; NoWotNy, Wiener Hofspital (in Auszü- gen) 19–26. [495v] Der Römischen khü(niglich) m(ajestä)t aufgerichten ordnung uber irer m(ajestä)t neü hofspital in der stat Wienn Wir, Ferdinand von Gottes genaden römischer zu Hungern unnd Behaim etc. khunig, infanndt in Hispanien, erzherzog zu Österreich, herzog zu Burgundi, Steyr, Khärnndten, Crain unnd Wirtenberg etc., grave zu Tyrol etc. bekhennen für unns, unnser erben unnd nachkhumen regierundt erzherzogen zu Österreich unnd thuen khundt allermenigclich gegen wüertigen unnd khunfftigen etc., als weyllendt unnser diener Diego de Sarava ein neu spittal in unnser stat Wienn bey dem closter der Minoriden von grundt auf zuerpauen unnd aufzurichten angefanngen, den maisten thaill seiner guetter zu demselben spittal verschafft unnd ime den namen das spittall der heilligen barmherzigkheit gesezt hat, wie es nit allein bey solcher aufrichtung unnd sezung des namens mit gnaden bleiben laßen, sonnder hernach dem almechtigen, ewigen, barmherzigen Got, der werden rainen kheüschen jungkhfrauen Marien unnd den lieben heilligen zu lob, er unnd preiß, weillendt der durchleuchtigisten fürsstin frauen Anna, römischen, zu Hungern unnd Beheim etc. khunigin, unnserer geliebsten gemachl löblichister gedachtnus, unnsern erben unnd nach khumen zu trosst unnd hilf unnd den armen khrannckhen, dürfftigen menschen zu ergözlichkeit unnd guettem an gaben erweytert einkhumen zu statlicher unnderhaltung achzig armer mannß- unnd weibspersonnen unnd zweinzig armer medlein gebeßert und gemert, alles innhalt der besonndern aufgerichten gab unnd stifft brief, das wir mit zeittigem rat unnd guetter vorbetrachtung zu ordenlicher erhaltung alles jezigen wesens in gedachtem spittal hernach begriffne ambter unnd ordnungen fürgenumen haben etc. Von superintendenten des spittals etc. [1.] Erstlich sollen durch unns, oder wemb wirs bevelchen, auf unnser unnd unnser nachkhumen wolgefallen zwen erber, aufrecht, verstänndig männer zu superintendenten des gannzen wesens gedachts unnsers spittals fürgenumen unnd ge[496r]halten werden, auch