Page - 400 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

400 I. Österreich: Hofspitäler (Edition Nr. 1–16) gemeltem spitall den armen nodturfftigen mannß und weibs personen nodturfftige wonung, als nämblichen ain behausung wie ain spitall sein soll unnd daran ain khirchen mit ainer parkhirchen, darinnen sy den Gots diennst hören mugen, mit dem allerfurderlichisten aufrichten unnd erpauen zulassen. Unnd ist darauf unnser genediger bevelh an euch, das ir aufs ehist unnd onverzug vleissige erkhundigung unnd beratschlagung furnemet unnd haltet, an was ort unnd stell solh spitall inen oder ausserhalb des marckhts Aussee mit pester gelegenhait erpaut, ob auch nit zuersparung merers uncossten daselbst ain abkhumben closster oder anndere dergleichen gelegenhait, damit die behaußung unnd kirchen nit allerdings von neuen erpaut durfft [189 v] werden, verhannden oder sunst ain gelegsam unnd hierzue tauglich haus umb zimblich gelt erkhaufft oder in annder weeg erhanndlt, wo auch mitler weyll, biß angeregt spitall erpaut unnd sunsten in ain ordnung gebracht, die armen leut mit wenigen unnd sonderlichen denen, so zu Aussee unnd Hallstat bey dem saltzsieden ir narung unnd unnderhaltung alters unnd schwahait oder leibs geprechlichkait halben nit mer gewynnen mugen, in annder weeg unnderhalten werden möchten, und wie ir solches alles in ainem unnd dem anndern weeg beratschlagen, auch für tuennlich nutz unnd guet befinden werdet, unns desselben zuhannden unnserer hofcamer mit dem ehisten lauter berichtet, daran erstatt ir unnsern gefelligen unnd entlichen willen unnd maynung. Geben auf unnserm schloß Eberstorff am XXIIII. Octobris anno etc. im LII., unnserer reiche des römischen im XXII. und der anndern im XXVIisten. Ferdinannd Ad mandatum domini regis proprium Philipp Breynner Erasm von Gera Cristoff Adler Abb. 58: Bad Aussee; die 1395 erbaute Heilig-Geist-Spitalkirche (Brand 1543 und danach Wiederherstellung bis 1553) mit der Wappenwand und dem Dachrei- ter (Flügelaltar von 1449 als Stiftung von Friedrich III.), Ansicht von der Einmün- dung der Grundlseerstraße in den Me- ranplatz (Foto: Martin Scheutz, 2012).