Page - 403 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2
Image of the Page - 403 -
Text of the Page - 403 -
I. Österreich: Hofspitäler (Edition Nr. 1–16) 403
gegenschreiber ordenliche rayttung ires empfanngs unnd außgebens thun, deren jeder hat
ain jar nit mer dann 3 tl. den. zu lon, unnd muessen doch mit ainem unnd anndern vill
mue unnd arbayt haben unnd sein guetter erbarer manner zwen, auf solhe unnderhaltung
obbmelter 20 personen, dergleichen des caplanns besoldung, als obstet, ist nun bißher des
jars an des spitalls stifft unnd gülten dergleichen geburt aus der wochenlichen sutt und
auch des hof caplanns wochenlichen fueder salz, weill diser zeit khainer verhanden, der
es empfienng, sunder auch in das spitall geben unnd verrait wirdet, ungeverlich von 147,
150 unnd 158 guldin minder oder mer darnach die sutt gros gefallen.
Nachdem aber der personen, die man speist, bey ain fünff jaren herumb vil mer, auch das
getraydt gar teuer worden unnd man nit gelanngen khunden, hab ich, Tunkhl, den herrn
camer räten der niderosterreichischen lannde noch verschines 1547. jars solhen mangel,
wie der an ime selbst ist gewest, zuegeschriben unnd dar innen bericht gethan, haben
wolgedachte herrn camer rät bey e(uer) khu(niglichen) m(ajestä)t aufa solh mein schreiben
unnd gethanen bericht [192v] sovil furderung gethan, das e(uer) khu(niglichen) m(ajestä)t
noch verschines 1548. jars zu desster statlicher und merer unnderhaltung der armen leut
im spitall zu den obbmelten järlichen gefellen noch jarlich sovil, das es gar 200 tl. den.
bracht, unnd dann das nebstverganngen jar gar vollig 100 tl. den. unabzogen der alten
obbeschriben ordinari gefell, aus hieigen e(uer) m(ajestä)t hallambt par, dergleichen auch
die nodturfft prenholtz auf den herdt unnd inb die ofen unnd noch darzue obberuerts
1548. jars, nachdem alle obgemelten armen leut zu derselben wonung nit mer als die
ain obbemelt grosse stuben und noch ain klains rauchstubl, welhes ich, Tunkhl, erst
für die gar prechenhafftigen armen leut zuerichten lassen haben, auf zuerichtung unnd
erpauung merer wonungen in gemeltem spitall von zwayen biß in 300 guldin reinisch
aus obangezaigten gefellen des hieigen e(uer) m(ajestä)t hallambts erfolgen und raichen
zulassen, allergenedigist bewilligt unnd mir auch durch mergenannte herrn camerrät
solhe e(uer) m(ajestä)t bewilligung zuegeschriben unnd in e(uer) khu(niglich) m(ajestä)t
namen bevolhen worden, das ich die wonungen, dergleichen stuben unnd cammer zu
desster statlicher unnderbringung der armen, krannckhen leut in mergedachtem hieigen
spitall meinem selbst guetbedunckhen nach erweyttern unnd zuerichten lassen solle; nun
seien aber in des etlich personen auß dem spitall gestorben unnd die anndern in den
obbemelten zwayen der grossen und klainen stuben unnd vorhin zuegerichten gemachen
unnd cammern, die zeit her gleich also abkhumen, unnd obbemelte bewilligte 300 tl.
den. noch nit auß dem ambt genomen noch verpaut worden.
Uber das hat das spitall alhie nach 3 wißmader, deren ich unnd die zechleut das ain erst
vor ain III. jaren umb 60 tl. den. erkhaufft, von solhen 3 wißmaden khann man [193r]
uber winter ungeverlich bey 12 rindern fueren, davon die nodturfft milich, käs, schotten
unnd schmaltz, das man der grossen samfart unnd gerusst halb hie nun auch je lenger je
beschwärlicher bekhumen khann, für die armen leut erzeugen unnd samlein mues.
Noch hat es auch 2 krautgarten, den ainen gleich zu aller negst des spitalls unnd noch ain
furfrey undc platzl gegen dem wasser, da man noch wol etwas von wonungen, wie hernach
gemelt, zuerichten wirdt mugen.
Zu Hallstat in mein, Spillers, saltzambtmanns zu Gmundn verwaltung, da ann alles saltz,
so auf der Traun unnd Thunau auf Osterreich, Hungern und auch auf dem lanndt gen
a Auf Rasur stehend.
b Über der Zeile nachgetragen.
c Folgt plaßl und, getilgt.
back to the
book Spital als Lebensform - Österreichische Spitalordnungen und Spitalinstruktionen der Neuzeit, Volume 2"
Spital als Lebensform
Österreichische Spitalordnungen und Spitalinstruktionen der Neuzeit, Volume 2
Entnommen aus der FWF-E-Book-Library
- Title
- Spital als Lebensform
- Subtitle
- Österreichische Spitalordnungen und Spitalinstruktionen der Neuzeit
- Volume
- 2
- Authors
- Martin Scheutz
- Alfred Stefan Weiß
- Publisher
- Böhlau Verlag
- Location
- Wien
- Date
- 2015
- Language
- German
- License
- CC BY-NC 3.0
- ISBN
- 978-3-205-79639-8
- Size
- 17.5 x 24.7 cm
- Pages
- 722
- Category
- Medizin