Page - 420 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

420 I. Österreich: Hofspitäler (Edition Nr. 1–16) Nr. 6 Ordnung des Hofspitals in Laibach/Ljubljana (Slowenien). Augsburg, 1559 August 2 Archiv: ÖStA, HKA, Gedenkbuch 84, fol. 173r–181v (Beschädigungen am oberen Rand, fol. 177 und 178r–v fehlen aufgrund eines Foliierungsfehlers) [173r] Instruction und ordnung des neuen hofspitals zu Laibach Instruction und ordnung unnsers neuen spitals, welliches wir Gott, dem almechtigen, zu lob unnd eer, auch zu trosst, hilff und undterhalttung der armen nodturfftigen personen in unnser statt Laibach aufzerichten, genedigclichen verordnet haben, wie und was gestalt in ernenntem spitall alle sachen gehandlt unnd die armen leuth unndterhalten werden sollen. [1.] Erstlichen nachdem wir ainiche hofhalttung in unnserm furstenthumb Crain zephlegen nit im gebrauch haben, auch zu furfallenden sachen unnser regierung unnd camer zu Wienn gemeltem spital zu weit gesessen, so haben wir zu superindenten die erwirdigen, andachtigen, [173v] auch edlen unnd unnser lieben gethreuena Petter, bischoven zu Laibach, Jacoben von Lamberg, freiherren zum Stain unnd Guettenberg, landßhaubtmann in Crain, unnd Geörgen Höffer, unnsern vizthumb daselbst, unnsere räthen, alß die yeder zeit merersthails aus inen zu Laybach wonen unnd den sachen gar an der handt sein, biß auf unnser genedigist wolgefallen furgenomen unnd verordnet also unnd dergestalt, das sy volmechtigen bevelch unnd gwalt haben sollen, irem guetbedunckhen nach in fürfallenden sachen des spitals unnd derselben armen leuth nuz unnd nodturfft zum treulichisten zubedenckhen, maß unnd ordnung zegeben unnd, so inen was beschwerlichs furfeldt, dasselb an unns oder obbenennte unnser regierung unnd camer umb beschaidt yeder zeit gelangen zulassen, sy sollen auch macht haben, wann es die nodturfft ervordert, ainen spitallmaister unnd ainen caplan sambt andern nodtwendigen dienern unnd diennerin, so aines guetten leimb, auch erber, verstendig unnd gozfurchtig personen sein, doch mit unnserm vorwissen, so es die zeit erleiden mag, an- unnd aufzenemen unnd den gebürlichen aidt zegeben, des spitals unnd der armen nuz und fromen zubetrachten, zuhandlen, nachtails unnd schaden irem höchsten vermugen nach zuwarnnen unnd zu wenden unnd iren diensten alles müglichen vleiß treulichen außzuwartten unnd, wo sy sich in denselben ungeburlichen verhalten wurden, sy darumben zustraffen, gar zu urlauben unnd andere wider aufzenemen. [2.] Bemelte superindenten sollen all drei oder doch zwen, wo nit aufs wenigist ainer aus irem mitl, alle monat oder zum wenigisten alle Quottember geen, sich in das spital verfuegen, ad partem unnd sonnsten guette vleissige nachfrag unnd erkhundigung halten, mit was vleiß, treu unnd ordnung spitalmaister, caplan und anndere diennende personen iren ambtern, diennsten unnd bevelchen geleben, außwartten unnd nachkhomen; sy, die superintendentenb, mugen auch von merer sorg wegen zu guettem aufsehen yemandt in der statt Laybach furnemen unnd verordnen, unnd so sy was beschwerliches erfueren, an die superintendenten gelangen lassen. [174r] [3.] Sy sollen auch uber die stifft unnd ander brieff sambt allen einkhomen dises a Am linken Rand oben: Bischoff zu Laybach, Jacob von Lamberg, Georg Höfer. b -den- über der Zeile nachgetragen.