Page - 515 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

II.2 Vorarlberg: Bregenz – Leprosenhaus (Edition Nr. 18) 515 II.2 Vorarlberg: Bregenz – Leprosenhaus (Edition Nr. 18) Nr. 18 Ordnung des Leprosenhauses in Bregenz. Bregenz, sine dato [1565 Juli 26] Archiv: ALB, Historische Akten 704, Siechenhausordnung 1565 Druck: BurtScher, Sondersieche 70–75. Randvermerk 1. Seite: 15 (oder) 1665; Rückvermerk: Sondersiechen Ordnung Zuwissen unnd kundt gethan sey menigclich, nach dem ain zeit herr in armmen sondersiechen hauß zu Bregenz durch der armen leut oder kinder in vil weeg der massen ain un[…]enlich regiment und haußhaben gevirt und inen durch die pfleger nit erwert werden mugen, auch ernstlich (wo nit pillich einsechens durch erzvesstena, furnemen, ersamen unnd weisen herren stattaman und rathe zu Bregenz, dennen dann das arm hauß von j[e]he unnd alter auch nach biß her zu regiren geburt und bevolhen, ist furgenomen), das in wenig zeit das hauß gar in armuot kumen unnd nit mer muglich sein zuerhaltenb (dieweil nur bei disen theuren zeitten vil arms volckgs darein khumpt, das wenig und beynachendt ze schezen schier gar nichts mit ime pringt, kainem die pfrundt mehr sonder allain nur die behausung unnd beherbergung zegeben) etc., welches dann zuerbarmen unnd den armen kranckhen kindernc jezt und zukunfftigen tagen zu grossen abpruch unnd schmelerung irer leibß narung geratten wurde, derhalben sovil immer muglich dem selbigen unrath vor zesein. So haben vorgedachte herren stattaman unnd rathe zu Bregenz nachvolgende ordnung schuldigen pflichten nach furgenomen: Sezen, mainen, gepiethen unnd wellen auch, daß derselben ordnung von artickhel zu artickhel jezt und hinfüro biß mer auff vermuglichkaitd, auch wolfaylerer jar [/] unnd iro widerrueffen durch die armen kinder, die sondersiechen, auch die pfleger, ire magt, und wer im haus wonenn wirdet, getreulich, auffrecht unnd gehorsamlich gelept unnd darwider nit gehandelt werden solle bey den straffen, so darauff gesezt und hernach verzaichnet sein. [1.] Unnd erstlichen, nachdem ain jedeß cristen mentsch schuldig ist, Gott, dem allmechtigen, seinem himlischen vater und seiner werden mutter, der hailigen himel kunigin unnd junckhfrölichene magd Marie lob, ehre und danckh zu sagen, so sollen a erz- über der Zeile nachgetragen. b Am linken Rand nachgetragen. c Korr. aus kinder. d Nicht lesbarer Wortteil getilgt. e -lichen über der Zeile nachgetragen.