Page - 537 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

III.2 Tirol: Hall/Tirol – Bürgerspital (Edition Nr. 22–26) 537 und nit mer geben; [10 r] unnd dem schneider auch ain maß am tag; item dem müllner, wann er ain malter von mul bringt, gibt man im ain trunckh und ain prot. Das trifft yezu zeiten ungeferlich zwaingzig, dreissig, vierzechen, neunzechn stär roggen. Item dem mezger gibt man essn und drinckhen, wann er schlächtig im herbst, aber sonnst khain besoldung, dan allain die waid last man im im herbst im kuechlannger abezn. Unnd wann er am Sambstag das fleisch einschret, sol man im furonhin geben drey kuechl unnd ain drinckhn wein. [22.] Item die eerungen den hanndtwerchsleuten, so dem spital arbaiten, gibt man zu den Weichnechten yedem ain käß und ain maß wein, das ist dem satler, schmidt, sailer, gärber, müller, [10 v] vasser, redermacher, offnmacher, schuester, schneider, schlosser, mezger, weber, kessler, glaser, dem Caspar Pader, dem Scheiben Michel. Item der lenndthueter hat sein ordinari sold all wochn fünf phundt, thuet jarlichn sechundzwainzig marckh unnd zway marckh pessrung, thuet achtundzwainzig marckh. [23.] Hernach volgt, was man jerlich in das spitals haushaben notturfftig und verzert worden ist [11r] Item man nimbt und ist bedurfftig jerlichn rindt- unnd pratfleisch ain wochn in die annder zwayhundertfünfzig pfundt und all Sambstag umb sechs kreuzer flöckh. Mann hat hievor all wochn ain fünfzig phundt pratfleisch haben muessen, so aber das ain prants abgestelt ist, wirdt es ain wenigers furonhin treffen. Item all wochn achtzehen star fueter, thuet das jar ainunddreissig mutt. Item roggn ain wochn in die annder vierzechn stär unnd, so mans pacht, mueß albegen vier stär gersten darunter nehmen. Item waizen ain wochn in die annder zway stär. Item gersten, gneute und annder ain wochn zway star. Item schmalz ain wochn in die ander vierzig pfundt, aber in der Vassten fünfzig pfundt. Unnd man mueß all Sambstag allain zum kiechlpachn ain sechsundzwainzig phundt haben. Item ziger ain jar in das annder ungeverlich sechs tesn. Item fünf cenntn speißkäß. Item ain cennten suppenkäß. [11v] Item dreu stär prey. Item ain cenntn reiß. Item acht star arbeß. Item zwar star ponen. Item wein ain jar wirt ungeverlich in allem verzert zu achzig urn. Item essich all wochn acht maß. Item das spital zinst ordinari zinß von stuckhn hinaus vierzechn marckh acht kreuzer vier fierer. Item hindan gesezt, wo der sterben regiert, was daselb aufgeeth. Item dem todtnlässl gibt man wartgelt vom spital all wochn vierundzwainzig kreuzer. Item dem Pärtl maurer all wochn zwainzig kreuzer. Item der Haslauerin gibt man ir leben lanng alln wochn ordinari vom spital hinaus zway pfundt perner. Item dem schirgerkhnecht im pfannhauß gibt man all wochn siebenundzwainzig kreuzer für die speiß. [12 r] [24.] Hernach volgen des spitals ligennde stuckh, gueter, zinß und einkhomen ungeverlich 1. der groß paumgarten; 2. der Archngarten bey der fleischpannckh; 3. der Eisnmansgarten sambt dem stadl; 4. des petlers garten; 5. die Pigar sambt dem krautgartn darinnen; 6. der Kiechlannger sambt dem stadl; 7. item der Steyregger; 8./9.a auf dem Aichach zwen ackher, der ain ist vom Glaz Hannsen her; 10. item der Hochannger auf dem Aichach; 11. item der Häperger. [12 v] [25.] Im Haller veldt 12. der Neuraut; 13./14.b auf dem Sauannger zway mäder; 15. in der schrannckhen a Mit Klammer verbunden. b Mit Klammer verbunden.