Page - 603 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

V.2 Kärnten: Klagenfurt – Bürgerspital und Armenhaus (Edition Nr. 41–46) 603 [25.] 5to ursach hette, die wierthschafft umb des in spitall vorgehenden schwein zigls (weillen damit die sach gar nicht reusieren will) gäntzlich abzustöllen, und die s(alva) v(enia) schwein haltung abzuthuen, allermassen dan durch verkauff der mäsch unnd fuetterung weith leichter der erforderliche spökh in das hauß erkaufft wuerde, als was an s(alva) v(enia) schweinen erziglet, so will jedannoch umb des machenden thungs willen, welcher dan zu bearbeithung deren gründten höchst erforderlich unnd schon in träidt gebau hierdurch der nuzen einkhombet, ein ehrsamber magistrat disen s(alva) v(enia) schwein zigl vor dißmahl annoch nicht abgestelt, sondern den vorstehenden spitlmaister zu sothaner fehrnerer beyhaltung unnd volgsamb hieryber legenden rechnung, gleich wie vorhin es beschechen, angewissen haben. [/] [26.] Material wierthschafft an getraid und wie hierinfahls ein vorstechender spitlmaister seine rechnung so woll an empfang alß vergniegung zu legen, alß erstlich solle selber in volgendter raittung von jeder sort des traüdts die jenige remanenz anwiderumben in empfang nemben, die er in voriger raittung per stallung gebracht, dan solle selber von jeden getraidt, was in hauß von selbst erbauth unnd volgsamb außgedroschen worden, specifice in seiner raittung der schöber benenen unnd was, auch wievill de dato in datum von solchen schobern an getraidt aufgehebt worden, in empfang nemben. Fehrner solle selber die völlige traidt [/] ertragnus an allen sorten von denen undterthan in inhalt urbari in empfang nemben. Nicht minder solle selber in seinen rubriquen das getraidt, was die müll ertragen, in empfang nemben unnd solches mit einen besondern müll büechl, welches von zuegebnen undterschriben werden mues, belegen. In simili, waß selber an sothanen getraidt erkhauffet, die außgaab aber davor in suo loco zu verrechnen, wohingegen er, spitlmaister, hierauf die vergniegung so gestaltig anzusezen hat. Alß erstlich verkhaufft habe inhalt gelt rechnung, welches aber daselbst de dato in datum specifice anzusezen, an weme unnd wie theuer es verkaufft worden v(erbi) g(ratia) waiz sovill vierling, [/] dan habe undter dato dißen unnd disen den gewohnlichen zechent aldahin abgefiert mit sovill vierling, v(ie)rtl, mäßl. Auß gesäth sein dis jahr worden undter den unnd den dato mit vorwissen des zuegebnens an diesem unnd diesen getraidt zum sammen v(erbi) g(ratia) sovill v(ier)ling, v(ie)rtl, mäßl. Die undterthanen sein vor die jahr in außstandt verbliben v(erbi) g(ratia) so unnd sovill v(ier)ling. In das hauß ist dis jahr zum gebrauch unnd undterhaltung deren pfrientnern unnd mayrleüthen, auch tagwerchern undter disen unnd disen dato auß den casten an die müll unnd von danen in das speiß gwelb gegeben worden, v(erbi) g(ratia) sovill vierling, v(ie)rtl, mäßl. [/] Waryber dan auf jetwedere sort des getraidts des aufgangs willen, ein besondere specification neues formirt unnd von den zuegebnen undterschribner denen jährlichen raittungen beygelegt werden, auch solle in solchen fahl bey vorgebung des traidts aufgang jedeßmahls der zuegebne zuegezogen werden unnd dises nicht nur allein von waiz unnd roggen, sondern von allen inhalt vorhinigen raittungen vorenthaltenen traidt speciebus zu verstechen. Per bericht werdet auch angefüegt, damit künfftighin jeder spitlmaister wisse, was wievill