Page - 612 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

612 V.2 Kärnten: Klagenfurt – Bürgerspital und Armenhaus (Edition Nr. 41–46) deroselben zum lohn 10 fl. unnd zum leykauff 30 xr. Dem mösner für seinen lohn 10 fl. Vor den leykauff 30 xr. Dem thorwärtl für seinen lohn 4 fl. Vor den leykauff 15 xr. Dem s(alva) v(enia) khuehalter vor seinen lohn 3 fl. 15 xr. Vor den leykauff 24 xr. [/] Der köchin vor dem lohn 12 fl. Vor dem leykauff 51 xr. Der kuchldiern vor dem lohn 8 fl. Vor den leykauf 30 xr. Denen 2 s(alva) v(enia) khuediernen jeder vor den lohn 6 fl. 12 fl. Vor den leykhauff jeder 24 xr. 48 xr. Der kranckhenwartherin für ihren lohn 6 fl. 24 xr. Der s(alva) v(enia) schwein diern vor den lohn 6 fl. Vor den leykauff 24 xr. der s(alva) v(enia) schweinhalterin uber die klaidung und cost zum leykhauff 14 xr. [/] In der driten rubrique deren außgaaben solle ein zeitlicher spitlmaister verrechnen seine außlaagen an gebey unnd bösserung, auch was selber an die handwerchs leüth bezallet, doch sogestaltig, das selber umb des erstern willen ohne vorwissen der oberspitlverwaltung an gebey sachen ausser deren kleinigkheiten unnd höchsten nothwendigkheit nicht das mindeste vorkheren unnd demnach respectu des anderen von denen bezalten handwerchs außlaagen jenseiths die gehörige außzigl beylegen solle. In der vierten rubrique hat ein zeitlicher spitlmaister jenes per außgaab zu bringen, was selber umb erkhaufftes nothwendiges [/] spitall traüdt außgegeben, doch sogestaltig, das er anbey den tag, wan ers erkhaufft unnd den nammen von weme unnd wie theuer selber es erkhaufft, ansezen solle. In der fünfften rubrique sollen angesezt werden die außgaaben, welche ein spitlmaister umb das erkhauffte s(alva) v(enia) vich, fleisch, spökh, schmalz, salz, inslet, laden, leinwath, zwilch unnd dergleichen außgelegt, doch sogestaltig, das künfftigkhin vor das in spitall zue nothwendigkheit auß der fleischpankch nembende fleisch von den fleischhakher die außzigl auf den wochentlichen aufgang sollen eingericht unnd sodan der raittung beygelegt werden, nicht minder das ein zeitlicher spitlmaister [/] in erkhauffung deren anderen obbenambsten nothwendigkheiten unnd besonders von grösseren unnd erhäblichern sachen in allwegen dem spital zuegebnen solle wissen lassen unnd solches mit dessen vorwissen vorkhern solle. In der sechsten rubrique sollen die außgaaben vor die spitall kürchen angesezt werden, doch daß auch von denen etwo ervolgten grösßern außlaagen die gehörige beylagen in der rechnung beygelegt werden solle. [38.] Spendten In der sibenten rubrique deren außgaaben hat ein zeitlicher [/] spitlmaister zu berechnen unnd sein in ansaz zu bringen die außgaaben auf die stüfftungen unnd spenten, was hieran sowoll an wein, pier, fleisch, broth, allmossen unnd was nach alter gewohheit denen pfrientner an statt der klaidung in paaren gelt geraichet würdt, nun den spendt aufgang an fleisch betreffend soll ein zeitlicher spitlmaister, wan es von aignen