Page - 614 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

614 V.2 Kärnten: Klagenfurt – Bürgerspital und Armenhaus (Edition Nr. 41–46) [45.] An heilligen Ostersontag von der windischen spendt Werdet unnd solle fehrnerhin ohne der sonst gewenlichen ordinari geraichet werden denen pfrientner unnd mayrleüthen jeden ain halb pfundt prätl fleisch, dan denen pfrientnern allein jeden ain trenten unnd dan denen pfrientnern unnd mayrleüthen zusamben ain kueffen pier. [/] [46.] An s(anc)t Georgen tag als den 23. April Werdet unnd solle fehrnerhin geraicht werden von der Georg kevenhillerischen stüfftung jeden pfrientner 1 lb. rintfleisch unnd jeden ain trenten unnd dan denen pfrientnern unnd mayrleüthen zusamben ain kueffen pier. Fehrner hat ein zeitlicher spitlmaister an berierten s(anc)t Georgen tag annoch volgendtes von der strugglischen stüfftung zu bevolgen unnd zu bezallen alß vor drey heillige mösßen lauth schein 3 fl. Vor die hierzue erkhauffende wax körzen 2 fl. Dem mößner vors bedienen 15 xr. [/] Den ministranten 6 xr. Ihme, spitlmaister, vor seine obsorg hat er anzusezen von diser stüfftung 1 fl. Unnd dan denen armmen in spitall hat selber zu 3 xr. von dieser stüffftung auszuthaillen 3 fl. 30 xr. [47.] An kürchweich tag als den 21. May Solle nach alter gewonheit annoch fehrnerhin geraicht werden denen pfrientnern unnd mayrleüthen jeden ain halb pfundt prätl unnd ain pfundt rintfleisch, auch jeden zwey trenten wiea aucha denen pfrientnern undb mayrleüthenb jeden ain mäßl wellischer wein. [/] Dan hat ein zeitlicher spitlmaister nach alter gewonheit an bedeüten kürchweichtag fehrner volgentes zu bezallen als denen herrn cäpelänen vor zwey heilige mössen 40 xr. Denen musicanten lauth schein 2 fl. 25 xr. Denen ministranten 18 xr. Dem orgltretter 10 xr. [48.] An heilligen Pfingstsontag, so vor die reitschucherische stüfftung zunemben Solle nach alter gewonheit ohne der sonst gewohnlichen ordinari denen pfrientnern jeden ain halb pfundt prätl fleisch unnd jeden ain trenten; [/] ihnen, pfrientnern unnd mayrleüthen, aber zusamben ain kueffen pier geraicht werden. [49.] An allerheilligisten dreyfaltigkheit Sontag alß mehrmahl von der windischen spendt Solle nach alter gewonheit fehrnerhin geraicht werden denen pfrientnern ain halb pfundt prätl unnd ain pfundt rintfleisch, auch jeden zwey trenten unnd ain mäßl wein. a–a Nachgetragen. b–b Korr. über der Zeile aus aber denen allein.