Page - 832 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

832 VII.5 Oberösterreich: Linz – Bürgerspital (Edition Nr. 106–108) Nr. 107 Speiseordnung des Bürgerspitals in Linz. Linz, Mitte des 16. Jahrhunderts Archiv: OÖLA, Archiv der Landeshauptmannschaft, Scha. 113, Fasz. II, 17, Visitationen Linz 1544, fol. 11v–14r Druck: grüll, Linzer Regesten B II D 1, 9–10. [11v] Vermerckht die ordnung, wie es ain spitallmaister auf zwaynntzig personn mit der phruendt unnd annder notturfft wochennlichen durch das ganntz jar halten soll [1.] Item all Sambstag aindliff wegkh prot unnd alle Erichtag acht wegkh, davon nimbt khnecht unnd diern iren taill. [2.] Item alle tag soll der spitallmaister in geben ain mall fleisch unnd yedem ain [12 r] stuckh vleisch, an den hohen feirtagen zway mall vleisch. [3.] Item alle Sambstag ain phundt schmaltz. [4.] Item alle feirtag unnd alle vastag ain phundt magöll. [5.] Item inn der Vasten alle Sambstag vierdhalb phundt magöll unnd vierdhalb phundt schmalltz. [6.] Item an denn heilligen tagen jedem ain halbe pier oder ain drittaill weins, darnach der zechmaister hat. [7.] Item visch ann hochtzeitlichen vastägn. [12 v] [8.] Item die milich haben sy selbs von vier khuenn, es sey dann, das sy nicht melich sein, so mues man sy khauffen. [9.] Item alle tag dreu stuckh pachenns vleisch unnder das khraut. [10.] Item alle Sambstag ainen khes bey 4 phening. [11.] Item alle viertzehen tag ain khueffl salltz. [12.] Item gries mell tailt man unnder seu. [13.] Item allwochen annderthalb metzen khleibm irenn saun, darnach man sy mesten will. [14.] Item alle Sambstag ain achtaill gersten. [15.] Item arbais unnder weilln fur die gerstenn. [13 r] [16.] Item was dann gefelt von saumbwursten unnd hammen, das faillt man bey zwainzig hinaus. [17.] Item auf ain jar bedarf das spitall LXX fueder holtz, das mues in der spitalmair umb sunst hinaus fueren. [18.] Item das khraut haben sy selbs. [19.] Item khnecht unnd diernn soll ain spitallmaister lonnen. [20.] Item unndter weiln den habernn. [21.] Item zu dem peckhn all XIIII tag ain khueffel saltz. [22.] Item unnd mit vier mutt khorn khumbt man ausa ain jar. [23.] Item zu den Osternn ain khalb unnd vier beslagenn praten. [13v] [24.] Item zu den Weinachten fur vierzig phening weis prot unnder sy zu taillen. [25.] Item ain zennten liechtöll das liecht zu beleichten. a Über der Zeile nachgetragen.