Page - 322 - in "Das Beispiel der Obrigkeit ist der Spiegel des Unterthans" - Instruktionen und andere normative Quellen zur Verwaltung der liechtensteinischen Herrschaften Feldsberg und Wilfersdorf in Niederösterreich (1600-1815)

1. Instruktionen [§2] Zum andern, wann die planckhen krumb henkhen, soll er es dem haubtmana also bald andeuten und anhalten daz solche fürderlich unterspreizt undt gesezt werden, damit sie nicht umbfallen undt damit die spreizen fest stehen undt in der erden nicht weichen, so soll ein holtz schreims eingeschlagen werden, daran die spreizen anstehen, wan mann aber in die erd khann, so soll mann die planckhen heltzer außheben undt die sailen wider gerath richten undt die erd fest einstossen. [§3] Zum dritten. Wann auch an der planckhen oder oben auf den tachl etwas mangelt oder die planckhen ausgeworffen wurden, solle er es alsbaldt wider- umben machen undt die planckhen einrichten undt jederzeit dabey vor allen fleissig abspüren, ob undt waß bey dem loch, wo die planckhen ausgeworffen geweßen, er auß- undt einspüret undt unß oder bdem forstmeister zu der abweesenheit aber den haubtmanb solches jedeßmahl fleissig berichten undt damit er besser wissen mag, ob an den thörn planckhen oder tachl schaden geschehen. [§4] cUnd er solchen desto ehe wider wenden kann, so solle er vierten[s]c täglich zweymahl, als morgents ausser des thürgartens wie auch alle abendt zwo stundt vor der finster nocht ihnen umb den ganzen thiergarten oder, da er anderst zu thuen, ein mahl des tags herumb gehen undt fleissig nachsehen, forderist auch bey den hürschensprung allzeit fleißig abspüren, was er dabey heraussen oder hinein gekhomben spürth undt damit er es khönnen kann, so soll er sändigen laimb oben ausser halb des thürgartten bey den sprung sächen und offt abbrechen, damit er rogl sey und um also spüren khan die trüt und gespür. [§5] Zum fünfften. Wann es starkh regnet, soll er alsbaldt aussen umb den thier- garten gehen undt sehen, ob daz wasser keinen schaden gethan. Also auch in thiergarten sehen, wo die schliechten sein, daz daz wasser die schlicht und weeg nit tieffer außwasche; solches soll er selbst außbessern und verzeumen mitbeuschen,damitdazwassernitweiterreisse.Wanneresaberalleinnicht machen khan, soll er bey dem haubtman umb robether anhalten, damit sie ihm solches machen helffen. a A: pfleger; pfleger wird in A′ immer durch haubtman ersetzt b– b A: dem pfleger in abweßen unserer c– c A: Zum vierdten. Unter solchen desto ehe wider wenden kann, solle er 322