Seite - 399 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

I. Österreich: Hofspitäler (Edition Nr. 1–16) 399 spitlmaisters beschehe, sonnst aber, wo ein personn untestiert absturbe, so soll ir verlaßenschafft dem spittal bleiben, es wäre dann, das sy arme khinder oder freündt hete, denen sollen unnsers spittals superintendenten von seiner verlaßenschafft [498/6v] nach gelegenheit vil oder wenig zugeben unnd verfolgen zulaßen macht haben etc. [74.] Dise unnser ordnung solle alle Quottember einmal vor menigclichen offentlich im spittal verlesen werden etc. [75.] Wo sich dann ein infection oder khriegsleüf zuetrügen, werden die superintendenten yederzeit mit verordnung der armen fursehung zuthuen wißen etc. [76.] Zu beschluß wellen wir, das im spittal aller fräfl unnd muetwillen, gotslesterung unnd pankhetiern, sauffen, freßen, spillen, jubiliern, tannzen, seittenspill, haderey, winkhlheyrat, unzucht unnd leichtferttigkheit gannzlichen vermitten bleiben, bey vermeidung der straff, so yeder zeit nach gelegenheit der verprechung anndern zu ebenpildt mit ernnst fürzunemen. [77.] Damit auch solch unnser spittal fur annder befreyt sey, so solle unnser statgericht unnd all anndere gericht in das spittal nach den tattern zugreiffen nit macht haben, sonnder die, so etwo mit todtschlag unnd anndern malefizischen sachen, die unnserm statgericht zu hanndlen gebüeren, beschrirn seind, dem superintendenten angezaigt, unnd wo alßdann ainich indicium oder schein des malefiz verhannden, aus dem spittal dem statgericht geanntwurt werden, gegen denßelben ferrer nach vernemung irer purgation unnd behelffs, was recht ist, ergeen zulaßen. Und ist hieneben unnser ernnstlicher willen unnd bevelch, das diße ordnung gannzlichen gelebt werde, darauf dann yederzeit unnser unnd unsererer nachkhumen regierennder erzherzogen zu Österreich, lanndsfürsstliche regierung unnd cammer räth guet aufmerkhen haben sollen, doch behalten wir unns unnd unnsern nachkhumen erzherzogen zu Österreich solche ämbter unnd ordnungen in alwegen zuveränndern bevor. Beschehen in unnser stat Wien, am viertten tag May anno etc. im ainundfunffzigisten, unserer reiche des römischen im ainunzwanzigisten unnd der anndern im funfundzwanzigisten etc. Ferdinand etc. Ad mandatum domini regis proprium Jonas D. vicecanzler etc. A. Wagner m(anu) p(rop)ria. Nr. 2 Landesfürstliche Anweisung zur Gründung der Hofspitäler in Aussee und Hallstatt. (Kaiser)Ebersdorf, 1552 Oktober 24 Archiv: StLA, A. Aussee, Markt und Gemeinde, K. 314, H. 420, fol. 189 r–v [189 r] 1552 neuen spitall alhie zu Aussee halb ersster bevelch von khu(niglich) m(ajestä)t etc. Ferdinannd von Gottes genaden römischer zu Hungern unnd Behaim etc. khunig etc. Getreuen lieben, wir haben unns Gott, dem allmechtigen, zu lob unnd er, auch auß besundern beweglichen ursachen genedigclichen entschlossen, in oder ausserhalb unnsers marckhts Aussee ain neu spitall aufzurichten unnd demselben ain tausent gulden auß den gefellen und einkhumen unnser hallambts daselbst zu Aussee zue zuordnen unnd in