Seite - 402 - in Spital als Lebensform - Österreichische Spitalordnungen und Spitalinstruktionen der Neuzeit, Band 2
Bild der Seite - 402 -
Text der Seite - 402 -
402 I. Österreich: Hofspitäler (Edition Nr. 1–16)
auß dem hieigen ambt von neuen wider sovil erbaut worden, das die armen leut darinnen
underkhomen, auch obbemelter caplan (der ain gueter frumer alter vatter in die 80 jar
oder daruber alt unnd ain gannz jar nit mer als 23 guldin siben schilling bestimbter
besoldung von der spitall meß von des spitals einkhumen unnd sunst gar khain
einkhumen allain, was ime der pfarrer unnd sein gesel briester etwo von dem peicht gelt
unnd der stoll, unnd wann er etwo an Sun- oder feyertagen oben in der pfarrkirchen
singen hilft, aus guettem willen unnd erbarmung zuesteen lassen, unnd vorhin von dem
clainen einkhumen ain herberg verzinsen muessen) auch ain stuben unnd camer, die ich,
Tunkhl, ime vor vier jaren von des spitalls einkhumen gar zuerichten lassen zu seiner
wonung in bemeltem spitall innen und taglichs umb sovil nachner zu der kirchen hat.
In solh spitall wirdet khain frembde person, sunder allain die armen alten abgearbaytten
arbaytter und arbaytterin zu pfannhaus, unnd was etwo von perg oder holzleuten
an e(uer) khu(nigliche) m(ajestä)t arbayt schadhafft wurde, oder etwo ains armen im
urbar prechenhafftig khindt, das sein narung nit genuegen khonte, nach genuegsamer
erkhanntnuß, das es sein nodturfftig [191v] unnd werdt durch die spitallmaister albeg
mit aines verwesers alhie von e(uer) m(ajestä)t wegen vorwissen und bewilligung
angenomen; unnd haben auch nit alle die speiß, sonnder allain 17 personen sambt der
schwaigerin unnd viechdiern, bringt 19 personen unnd noch haben wir ainer erst sider
obbemelts e(uer) m(ajestä)t bevelhs ankhunfft, so ain arms alts kranckhs weib, die schier
nymer gesicht unnd bißher allain die herberg im spitall gehabt, an gestern die speis
auch geschafft, das also auf dato der personen, so da gespeist werden im spitall alhier zu
Aussee 20 unnd deren, so allain die herberg darinnen haben, 6, also das der personen
jetzo allenthalben 26 seien; und noch gibt man etlichen alten arbayttern unnd etlicher
abgestorbnen weiber, die da sunst ausser des spitalls aigne herbergl unnd hüttl haben,
wochenlich aus dem spitall alhier 12½ laib prot, wie e(uer) kh(uniglichen) m(ajestä)t aus
eingeslossner des ainen spitallmaister verzaichnuß alle obgemelte personen nach lenngs
zuvernemen haben.
Den 20 personen, so man speist, gibt man alle tag zu morgens nach der fruemes ain käs,
schott oder millichsuppen und ungeverlich umb mittag ain kraut unnd fleisch, zu nachts
auch je zu zeiten ain fleisch, aber selten, unnd nuer an Sun- unnd feyertagen unnd wann
man auf dem veldt oder sunst arbaytter hat.
Pratens im jar uber funnf oder sechs mall nit unnd nuer, wann sy selber kelber haben, von
irem vich.
Wein nuer zu den funff hechen festen im jar, dergleichen unnser Frauen tagen,
Allerheiligen, Vaschanng, Antlas unnd Karfreytag unnd wann sy zum sacrament geen,
aber auf sy alle miteinannder nit mer dan 2 viertl oder Wiener achterin, wie es etwo vor
vill jaren, da ir nuer funnf oder sechs darinnen gewesst, gehalten worden.
[192r] Man gibt auch mer gedachten personen, so da gespeist werden, mit genedigisten
e(uer) m(ajestä)t erlaubnusa zu schreiben, die schuech unnd hilfft innen auch je zu
zuzeitten mit ainem pedgwannt lein zu leilach, auch ain 2 elen loden zu claydung.
Unnd sein 2 spitallmaister, ainer von der burgerschafft unnd der annder der ain e(uer)
m(ajestä)t pfannmaister, die ainer umb den anndern taglichs auf die kuchel die nodturfft
furher geben, auch alle einkhumen, nutzungen unnd gefell miteinander empfachen
unnd dieselben auf unnderhaltung obbemelter armen leut widerumben verwennden
unnd jarlich vor wein unnd e(uer) khu(niglich) m(ajestä)t mit zuegeordenten hallambts
a Korr. aus erlaubtnus.
Spital als Lebensform
Österreichische Spitalordnungen und Spitalinstruktionen der Neuzeit, Band 2
Entnommen aus der FWF-E-Book-Library
- Titel
- Spital als Lebensform
- Untertitel
- Österreichische Spitalordnungen und Spitalinstruktionen der Neuzeit
- Band
- 2
- Autoren
- Martin Scheutz
- Alfred Stefan Weiß
- Verlag
- Böhlau Verlag
- Ort
- Wien
- Datum
- 2015
- Sprache
- deutsch
- Lizenz
- CC BY-NC 3.0
- ISBN
- 978-3-205-79639-8
- Abmessungen
- 17.5 x 24.7 cm
- Seiten
- 722
- Kategorie
- Medizin