Seite - 405 - in Spital als Lebensform - Österreichische Spitalordnungen und Spitalinstruktionen der Neuzeit, Band 2
Bild der Seite - 405 -
Text der Seite - 405 -
I. Österreich: Hofspitäler (Edition Nr. 1–16) 405
dorff, darinnen die pergleut unnd andere arbaytter ire wonungen unnd ain clain halbe
meill vom marckht auch ain kirchen zu sanndt Gilgen genannt, in welcher alle Sun-
unnd feyertag ain gesell briester mes list unnd predigt, unnd dann gleich ain wenig ob
des marckhts auch ain clain kirchl unnd capellel zu sanndt Leonhart genannt zwischen
zwayer strassen auf ainem puchel gelegen, darein man zu benannten tagen im jar mit der
process geet unnd auch drinen singt und predigt unnd sunst inn noch ausser des marckths
weder closster, kirchen noch andere gelegenhaiten, damit man ainichen vortl an gebau
haben unnd merere ausgab ersparen, nit hat.
Unnd nachdem sich auch der saltz und eisen außganng, wie e(uer) khu(niglichen)
m(ajestä)t genedigist wissen, bey etlichen jaren her umb vil gemert unnd mer innerhalb
wenig jaren der sam ross in hieigen, auch hinderpergischen urbar umb etlich hundert
mer worden unnd umb sovil weniger rind vich gehalten, auch desster weniger ziemas,
schmaltz, käs unnd schotten gesamelt unnd gemacht werden mag, wie dann schon jetzo
an das hie unnd zu Hallstat daruber geclagt, das etlich arm arbaytter alhie zu Aussee,
der[194v]gleichen zu Hallstat die burger unnd ire, auch annder e(uer) m(ajestä)t arbaytter
ausser der taglichen [!] hofarbaytter, die mit ziemass von e(uer) m(ajestä)t verlegt werden,
desselben ziemues, das dann aines solhen maiste narung unnd underhaltung nit genueg
unnd die nodturfft, wann sy es schon teuer bezallen, bekhomen mugen, solle nun etwo
ain grosse anzall frembder personen von anndern orten, dergleichen auch die armen
leut zu Hallstat all hierher geordnet unnd sambt den hieigen armen leuten, so jetzo
verhannden, darzue nun in kurtzer zeit wider etlich alt derer unnd pfannheiser sambt iren
weibern, so alters unnd gesichts halber der arbait nimer warten khunen unnd genomen,
alhie in ainem oder zwayen spitalln unnderhalten werden, so tragen wir fürsorg, das
der arbaytter mangl unnd clag des ziemas halb noch grosser furfallen unnd dasselb auf
unnderhaltung der frembden armen leut mit sonndern uncossten von frembden orten
herzue gebracht werden muesste, unnd solches alles vill gesteen wurde, weill sunst dises
enng clain tall sovil leut unnd ros, deren man zu der arbayt unnd verfuerung des camer
guets nit geraten khann, unnderhalten unnd neeren mueß.
Zu dem tragen wir auch fürsorg, wann ain solhe grosse anzall hieiger hallstettischer unnd
annderer frembder personen ina ain spitall zusamen gethann, das sy sich miteinannder
nit vergleichen, wie sy dann schon jetzo miteinander greynen, ains dem anndern seine
diennst und herte arbayt aufhebt, aneinander verflogen und neidig sein.
Unnd damit aber e(uer) khu(niglichen) m(ajestä)t obangezaigt genedigist, cristlich Gott
salig vorhaben Gott dem almechtigen zu lob unnd eer und schuldiger dannckh sagung
umb die 2 schon loblichen gotsgaben unnd noch merern wolfart und hayll wille, auch
vilen armen, treuen herten arbayttern bey [195r] bemelten bayden sieden zu trost unnd
guettem dannacht ainen weg wie den anndern mit geringist und leichtisten costen in
das werch gericht unnd dardurch der grosß cossten, so zerhebung unnd erbauung aines
neuen spitalls auf geen, erhalten unnd erspart werden möchte, so hetten wir nach allerlay
vleissiger erwegung unnd beratschlagung, darzue wir auch e(uer) khu(niglichen) m(ajestä)t
hallambts gegenschreiber alhier zu Aussee Walthasarn Tollinger auch genomen, unnser
unnderthenigist guet bedunkhnen von wegen unnderhaltung unnd merer versechung
der armen leut in baiden spitallern hie unnd zu Hallstat, so jetzo verhanden unnd auch
täglichs mer fürkhumen, die alters und schwachait halben ir narung unnd unnderhaltung
nit mer gewinnen, doch khains wegs der maynung, das e(uer) khu(niglichen) m(ajestä)t
a Über der Zeile nachgetragen.
Spital als Lebensform
Österreichische Spitalordnungen und Spitalinstruktionen der Neuzeit, Band 2
Entnommen aus der FWF-E-Book-Library
- Titel
- Spital als Lebensform
- Untertitel
- Österreichische Spitalordnungen und Spitalinstruktionen der Neuzeit
- Band
- 2
- Autoren
- Martin Scheutz
- Alfred Stefan Weiß
- Verlag
- Böhlau Verlag
- Ort
- Wien
- Datum
- 2015
- Sprache
- deutsch
- Lizenz
- CC BY-NC 3.0
- ISBN
- 978-3-205-79639-8
- Abmessungen
- 17.5 x 24.7 cm
- Seiten
- 722
- Kategorie
- Medizin