Seite - 451 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

I. Österreich: Hofspitäler (Edition Nr. 1–16) 451 reiche des römischen im sechsten, des hungerischen im fünnften unnd des behaimischen im neunzehenden. Collat(ionatum) 3. die Julii 68. Nr. 9 Ordnung des Hofspitals in (Bad) Aussee. Aussee, 1568 April 14 Archiv: StLA, A. Aussee, K. 314, H. 421 (Abschrift 16. Jahrhundert; Beschädigung mittig im Falz); StLA, Hallamt Aussee IV/20, Sch. 170 (A’) Rückvermerk: Spittalordnung deß spittals zu Außee, Fasc. no 8, lit. 50; [mit Bleistift] 1568. Spital ordnung des spitals zu Aussee Als der durchleichtigist furst unnd herr Carl Erzherzog zu Österreich, herzog zu Burgundt, Steyr, Kharndten, Crain unnd Wierttemberg, grave zu Tirol unnd Görzs, unnser genedigister herra, in eintrettung derselben erblannde regierung hochnodtwendigist befunden, in derselben erblannden zu khunfftiger bestendiger gueter ordnung unnd gewißhait alle unnd jede ambter einkhumen unnd gefell irer f(u)r(stlicher) d(u)r(chlaucht) cammerguetter in neue fruchtbare nutzliche reformation zubringen unnd derwegen hochgemelte f(ü)r(stliche) d(urchlauch)t unns hernach benente Hanns Adamen Praunfalckhen, irer f(ü)r(stliche) d(urchlauch)t camer rath derselben niderösterreichischen erblande, Georg Seyfriden von Truebeneckh zu Schwarzenstain, irer f(ü)r(stlich) d(urchlauch)t regiments rath, und Bernhardin Rindtschadt zu Schiechleuten, auch hochgedachter f(ü)r(stlicher) d(urchlauch)t unnd lanndts vizdomb in Steyr, zu comissarien angezaigter reformation furgenumben unnd mit geferttigtem gwalt unnd instruction genedigist abgeferttigt, dieweil unns dann auch unnter annderem in ongezogner instruction innhalt aines darinen verleiben lauttern artickhls auferlegt unnd bevolchen ist, in allen irer f(ü)r(stlicher) d(urchlauch)t orten, stetten, fleckhern unnd ambtern, in denen hof spitaller aufgericht unnd befunden werden, unnd sonderlich wo ir f(ü)r(stlicher) d(urchlauch)t zu unnderhalt der armen derselben genedigiste hilf mit parem gelt unnd in annder weeg verordent und daraichen haben lassen unnd noch geraicht wierdet, der[/]massen nodtwendige fursechung unnd ordnung zugeben, damit alles unnd bestes fleiß die einkhomen und haußwiertschafft darzue gehörig zu guetem nutz, notdurfft unnd unnderhalt der armen angelegt unnd gebraucht, darundter alle verschwendung oder aigennutzigkhait, wie sich etwo begibt, abgesteldt unnd verhuett werde, so wir dann auch in reformierung des haallambts Aussee, daselbst ain spitall, zu welchem die armen leith von dem salzsieden der zeillen, auch sonnst gefell unnd einkhumen, jerlich zuempfachen haben, darzue noch ir f(ü)r(stlicher) d(urchlauch)t aus den ambts gefellen alda jerlichen ein ansechendliche suma geldts genedigist raichen lassen, dabey aber, wie es mit solchem einkhumen, auch underhalt der armen leüth gehalten unnd gehanndlet wierdet, weder instruction noch annders in sachen nodturfftig nicht befunden unnd aber wir, die vorgemelten verordente comissari unnd reformatores irer f(ü)r(stlicher) d(urchlauch)t, genedigisten auferlegen, gehorsamist geloben, haben wir auch nach aller sachen empfangner a Folgt zu, getilgt.