Seite - 534 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

534 III.2 Tirol: Hall/Tirol – Bürgerspital (Edition Nr. 22–26) wochn zwen häring; item zwen kreuzer waizenprot; unnd man klait in vom spital; unnd hat ain camer. Item man gibt den pfrienttnern auf der obern pfruent zu Allerheilligenabenndt, Weihnechtabenndt unnd Unser-Frauentag in der Vassten und am Karfreytag ain essn, visch, karpfen oder, wo die nit sein, stockhfisch und plateys. [3r] Item yeden pfruentner zway groß weyhnachtkerzn. Item die drey rächnacht yedem ain maß wein, desgleichen zu Ostern, Pfingsten, Unnser-Frauentagen unnd Allerheiligentag; item zu Ostern yedem pfrüentner umb ain kreuzer fladen unnd air. [5.] Auf der unndern pfrüent Item Georgi Pästler, peckh, sol man geben hinfuro, so er pacht, auch mesner unnd thorwartl ist: All tag ain trinckhn wein; all wochn vier laib prot; item zway par schuech; item wann er pacht, allmal ain drinckhen wein; waizenprot per zwen kreuzer; item all wochn in der Vassten zwen hering; unnd hat ain camerl bey dem thor. [3v] [6.] Christoff Kemptner, genant Stichs Pränntl: Gibt man all wochn vier laib prot. Am Suntag, aber khainem feyrtag, hat er albegn ain drinckhn wein; zway par schuech. Waizenprot umb zwen kreuzer. All wochn zwen häring in der Vasstn. Unnd mueß klaidt werden vom spital. Unnd hat ain aigne camer. [7.] Item die Steindl mit der ain hanndt: All wochn drey laib unnd ir essende speiß; in der Vassten all wochn ain häring; zway par schuech; zwen kreuzer waizenprot; item zu dem heilligen tägen ain fraggel wein; unnd hat ain camer neben dem Pränndtl. [4r] [8.] Item der Weiskopfin gibt man all wochen drey laib: zway massl mell; ain phundt schmalz; umb zwen fierer milch; zwen kreuzer waizenprot; zway par schuech; zu den heiligen tägn ain fraggel wein; unnd hat ain camer. [9.] Auf die scheül den stutenntn und knaben Mann gibt in all tag acht laib prot. All mal vier richt mit praten und allem in der wochn, wie die obern pfruentner yezo haben solln. Zu Ostern, zu Pfingsten, Weichnechten, die vier unser Frauen-täg unnd Allerheiligentag ain viertl wein und am heiligen Pluetstag ain paceydn wein: Unnd zu Ostern umb zwen kreuzer fladn unnd zun Weichnechten umb zwen kreuzer waizenprot. [4v] Item den stutenndtn, wann sy comunicieren, ain viertl wein. Item den armen schuellern, wann sy comunicieren, auch ain viertl wein. Item auf die schuel am Carfreytag, Allerheiligentag, Weihnechten unnd Unnser-Frauentag in der Vasstn ain essn visch, wie den obern pfruendtnern. [10.] Dem pfarrer und brüestern Am heiligen Pluetstag ain paceyden wein; item dem herrn pfarrer von zway vespern im spital zwo paceydn wein; unnd wann ain pfriendtner stirbt, den man mit der proceß tragt, begert der herr pfarrer ain paceyden wein; item mer gibt man aim priester all Sonntag, so er meß list unnd predigt etc., ain suppen und ain drinckhn wein. [11.] Bruederstuben [5r] Der siechndiern all tag ain drinckhn wein sambt der gewonndlichen speiß. Unnd ungeverlich all tag auf die armen leut zwelf laib prot. Item all tag, aina in den anndern, zu sechs phundt fleisch. All wochn ain sechs phundt schmalz unnd die täglich speiß. Unnd sind albegen für unnd für, an die frembden zuelauffennden petler, acht personen d[r]ynnen, nemblich: 1. die Spanringin siechdiern; 2. der Lenntz; 3. der Stindl; 4. der Annderl; 5. die Walhin sambt aim khindt; 6. der alt Hanns von Volders; 7. der Cristl ob der schrannen herein; 8. der Peter Schöpfer. a Über der Zeile nachgetragen.