Seite - 535 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

III.2 Tirol: Hall/Tirol – Bürgerspital (Edition Nr. 22–26) 535 Item all Quatember ain paceyden wein in die bruederstuben und den armen khindern. [5v] Ungeverlich nach gstalt der krannkhen leut trifft es all tag ain maß wein. Item all quattember weißprot und ain pfundt perner. Item so ain arm mensch ungefer zu dem spital oder hinein geeth, mag man im ain almuesen geben. Aber die ordinari spennt all tag umb zwelf ur ain zechen laib, wie am prot khurze zeit her beschechn auszugeben, will ain rat hiemit wider abgestelt haben. Item den khindern als zue Weichnechten, Ostern, Allerheiligentag unnd zu Pfingsten ain viertl wein unnd in die bruederstubm auch ain maß wein. [12.] Wagenknecht, hausgesind, kechin unnd eehalten Erstlichn dreyen wagenknechten ydem jarlon sechs gulden, aber der dasa fuergelt einnimbt, hat all wochn von wegen des einbringens pesserung zwen kreuzer; mer aim yeden khnecht für ain rockh und für ain kitl vier phundt sechs kreuzer; [6r] item ain par stifl; vier par schuech; drey ellen harbens tuech; unnd fur fueß in die stifl nach notturfft; item all Sambstag gibt man inen ain viertl Veitwein. Unnd wann sy ain pfrüentner oder ain anndere arme person aus dem spital geen kirchn tragen, begern sy ain paceyden wein. Darfur sol in ain viertl wein unnd nit mehr geben werden. [13.] Item drey hausknecht Dem obern hauskhnecht achthalben guldin, für ain kitl zway pfundt; zway pfaiten, ain harbene unnd ain werchene, oder das tuech dafür; [6v] vier par schuech; ain par hanndtschuech. Den andnern zwen khnechten yedem siben guldin, unnd die pfaiten, schuech unnd hanndtschuech, aber khain kitl. [14.] Item die köchin Hat fünf guldin sold; all tag ain drinckhl wein; unnd all Sambstag ir und den anndern dreu weibern zum Kiechlpachn ain maß darzue; unnd in der vasttn zwo wochn drey häring unnd vier par schuech. [15.] Vierhausdiern [7r] Jeder vier guldin unnd vier par schuech. Item dem hausgesindt, eehalten hat man all Sonntag unnd feyertag ain viertl wein geben. Das hat ain ersamer rat auch abgestellt, sonnder zu den heiligen tägen als Ostern, Weichnechtn, Pfingstn, Aufartag unnd Frauentäg, am heiligen Pluetstag, Allerheiligen unnd Allerselntag sol inen miteinannder albeg ain viertl wein geben werden und nit merers. Desgleichen wan die diernen waschn, als offt sy ain zuber auswaschn, begern sy ain maß wein. Das hat der rat abgestelt, sonnder wann sy mit ainer gannzen wesch, es seyen alsdann ainer, zwen, drey oder vier zuber gwandt, fertig unnd hauslich gwest seind, alsdann sol inen zum bschluß irer arbait ain dreu drinkhn wein unnd nit mer geben werden. Der knötwein ist auch abgestelt. Item maister Veit gibt man all Sonntag ain maß wein unnd, wann er ain haut haimbringt ins spital, aber ain maß wein unnd nichts weiters. [7v] Unnd den unndern fuerkhnecht, wann er ain pockh ausfiert, und die haut in das spital pracht wirdt, gibt man im auch ein maß wein und sonnst nichts davon. Item dem Connzen, das er die pleter in das phanhaus port, gibt man all Sonntag ain drinckhen wein. Item den siechn all Sonntag ain viertl wein unnd zwen kreuzer gelt darzue, das ist gestifft. Item die khinder mueß man all jar zwir gwanndten und claiden. Item der khindtsmueter gibt man jerlich drey guldin unnd vier par schuech. [16.] Das hausgesindt und eehalten betreffendt Item am Sonntag gibt man dem hausgesind unnd eehaltn ain pratns, aber am Pfinztag a Über der Zeile nachgetragen.