Seite - 605 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

V.2 Kärnten: Klagenfurt – Bürgerspital und Armenhaus (Edition Nr. 41–46) 605 Von welchen aufgang hingegen eine specification beygelegt unnd von den zuegebnen undterschriben werden mueß, wan unnd an wemme solche leinwath gegeben worden, zu welcher außthaillung dan inhalt obigen [/] enthalt jedesmahls der zuegebne zuegezogen werden muesß. Unnd dan schliesßlichen ist abermahl in die stöllung zu sezen die remanenz, so über den aufgang annoch verhanden. Gleichergestalten ist auch der empfang unnd vergniegung an loden unnd zwillich, jedes in besondere rubrique zu verrechnen unnd von den aufgang von jeder sorth ein besondere von den zuegebnen undterschribene specification beyzulegen, auch er, spitl(meister), zuegebnen, jedesmahls bey austhaillung des lodens unnd zwillich zuezuziehen. [/] [28.] Material wierthschafft an schmalz, unnd wie sich hierinfahls ein spitlmaister in legung seiner rechnung zu verhalten Empfang Erstlich ist die remanenz, so eine gebliben, von vorigen jahr in empfang zu nemben v(erbi) g(ratia) mit sovill ... lb. Erkhaufft sein worden inhalt gelts raittung, welches in der außgaab jener rubrique specifice anzusezen v(erbi) g(ratia) sovill ... lb. macht ... lb. Vergniegung hierauf Aufgangen sein dis jahr hindurch [/] inhalt wochentlich vorenthaltener specification, welche der raittung beyzulegen unnd von den spitl(meister) zuegebnen undterschriben werden mueß, v(erbi) g(ratia) sovill centen oder ... lb. Verhanden sein annoch inhalt stöllung oder remanenz sovill ... lb. macht ... lb. [29.] Empfang an spökh Erstlich ist in empfang zu nemben die remanenz von vorigjahriger rechnung v(erbi) g(ratia) inhalt fertiger raittung sein ubergebliben sovill, pächen haben gewogen ... lb. Erzeigt sein heuer worden von sovill schweinen, sovill pächen, haben gewogen sovill ... lb. Erkhaufft sein worden sovill pächen haben gewogen sovill ... lb. macht ... lb. [/] Vergniegung hierauf V(erbi) g(ratia) undter disen unnd diesen dato sein zum verhakhet aufgehakht worden v(erbi) g(ratia) sovill pächen, haben gewogen sovill ... lb. Mehr undter disen dato sovill ... lb. Verhanden sein pachen anoch sovill, wegen v(erbi) g(ratia) sovill ... lb. Callo was sich bey den einhakhen verbazt sovill ... lb. [macht] ... lb. Doch das auch bey vorwegung dises spöckh aufgangs der spitl(meister) zuegebne zuegezogen werde.