Seite - 831 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

VII.5 Oberösterreich: Linz – Bürgerspital (Edition Nr. 106–108) Nr. 106 Instruktion für die Geldsammler des Bürgerspitals in Linz. Linz, Mitte des 16. Jahrhunderts Archiv: OÖLA, Archiv der Landeshauptmannschaft, Scha. 113, Fasz. II, 17, Visitationen Linz 1544, fol. 10r–11v Druck: grüll, Linzer Regesten B II D 1, 8f. Überschrift: Hie inn sein vermergkht, die ordnung, zinß, dienst und gult des spitals ze Lynntz, ausgezogen aus den alten registern anno Domini etc. nonogesimo. Abschrifft. [10 r] Vermerckht die ordnunng, so mit samnung, zinns unnd annderm gelt, so den armen leuten zu dem spitall gevelt, gehalten soll werdenn [1.] Item was täglichen in die puchsenn, die der narr [10 v] oder wer sy tregt, in der samnung gefellt alle alle [!] tag durch das ganntz jar, das nimbt ain spitallmaister ein zu notturfft der armen leut irer phruenndt. [2.] Item was in die puchsen gevelt, die pey dem pilld stet, das soll der spittallmaister unnder die armen leut taillen alls vill ir dann ist. [3.] Item was in die wagen puchsen gevelt, die der aufgeber traid, das soll halbs der zechmaister der pharrkhirchen hie und den anndern halben taill der spitallmaister einnemen. [4.] Item unnd was der samer geit unnd was in deu taffell gevelt unnd die samung [11r] zu sanndt Johanns unnd was die armen leyt, so sy sterbenn hinder inne lassenn, auch wer sy einkhaufft, das soll alles ain spitalmaister einnemen, zu nutz dem spitall unnd den armen leiten. Auch so ain frembter burger wirt, der geit LX den. halb dem spitallmaister unnd halb dem sonndersiech maister. [5.] Item dem pharrer im spitall gibt man alleu jar siebenntzig phening vonn wegen des Petre von Ordach, nach innehalt seiner brief uber die gueter. [6.] Item mer soll man im geben von ainem todten, so in dem spitall stirbt, zu seell gerädt zwelff phening, das haben richter, [11v] rat unnd gemaine zu Lynntz aufgesetzt. 831