Page - 50 - in Giambattista Marinos Wort-Zucht-Peitschen und die Gegenreformation in Wien um 1655

50 Textedition Alters oder Stands auch wer es wolle/ gewesen sey/ so hat es allzeit kräfftiglich in jhm gewürckt. Vnd wie könten sich gemeine Leuth doch erwehren/ wann viel grosse König/ ja Kayser selbst/ vor diser Seuch gnug zu wehren gehabt ; Al- lexander der grosse/ da er hörte/ daß/ ich weiß nicht wer/ von jhme übel redte/ übertrug ers/ sagend/ es sey was Königlichs/ guts thun/ vnd böses anzuhören. Alß dem Kayser Augusto man <62> fürtruge/ daß ein gewisser Helianus von Cordova/ vngebürlich von jhm redte/ gabe er volgendes zur antwort. Wir emp- finden es gar nit/ daß andere übel von vns reden/ daß vns aber andere nicht scha- den können/ dessen sollen wir vergnügt seyn. Desselben nachfolger am Reich/ der Tiberius/ antwortete dem Rath zu Rom/ der jhn bate/ daß er doch die bösen Mäuler straffen wolte ; Er hette je nicht sovil weil ; vnd wer einmal dises Fenster auffthete/ würd die Ohren allezeit mit anbringen vnd klagen/ müssen voll haben. Auch der Nero (wie scharpff vnd grausam er sonst <63> war) wolte gleichwol den Vrhebern etlicher wider jhn geschriebenen Reimen/ weder nachfragen oder sie bestraffen ; sondern gar ein theil derselben/ welcher Nahmen jhm verrathen worden/ befreyte er der erwürckten Straff. Gnug von den Heyden/ last vns auff die Christen kommen. Welchen Heiligen hat nicht geschad die frechheit der Verleumbder Zungen ? Den Abraham verjagte man auß Caldea, darumb daß die Weiber jhn bezüch- tigten/ (wie die Griechen auch den Socraten) er verachte jhre Götter ; dahero we- nig gefehlt/ daß er nit in stuck zerhauen <64> worden. Wegen verleumbdungen der Philistern/ wurd der Jsaac auch gedrungen/ von Gerara weg zufliehen ; dann sie sagten/ es hett jhn sein Reichthumb schon zu stoltz gemacht/ vnd verlangte er jhr Fürst zuseyn. Nicht besser giengs dem Jacob/ mit den Söhnen Labans seines Schwehers/ die jhn auß Neid zu seinem glück/ so lang vnd vil bey jhrem Vatter verklagten/ daß er endlich in Canaan widerkehren muste. Auff gleiche weise müste auch der Joseph/ nach erstlich vbertragnem Neid-stossen seiner Brüder/ entlich durch falsches angeben hohes verbrechens bey dem König <65> in Egypten/ ins Gefängnuß geworffen/ vnd kaum nach zweyen Jahren wider loß werden. was sollen wir vom Moysi sagen/ der doch mit GOtt/ von Angesicht zu Angesicht redte/ gleichwol Täglich sovil Wider-murmlen/ von dem Volck erleiden muste/ daß wann der Göttliche beystand/ jhn durch augenscheinliche Wunderzeichen/ jmmer nit zur Handt wer kommen/ er gar offt bey seinem Volck in Todts-gefahr gestanden wer/ wie dann eben vnd dasselbe Murmeln/ seine Schwester die Maria/ mit dem Außsatz gestrafft/ Coran/ Dattan/ vnd Abiron aber/ von <66> der Erdt verschlungen worden. Derselbe David/ ein Mann nach dem Hertzen Gottes/ da er noch ein Jüngling/ gegen dem Philister streitten wollen/ wurde von seinem eignen Bruder vor Stoltz gescholten. Jch will nicht 10 20 30