Page - 404 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2
Image of the Page - 404 -
Text of the Page - 404 -
404 I. Österreich: Hofspitäler (Edition Nr. 1–16)
Behaim unnd Marhern verfuret, gemacht wirdet, hat es nun gleichwoll auch ain spitall
unnd gleich gegen uber ain klains kirchl zu sanndt Laurentzen genannt, darinnen man 3
tag in der wochen meß lisst unnd albweg, von sanndt Merten tag biß auf Weichnechten,
alle tag ain ambt singt, darzue auch die armen, welhe sovil starckha sein, geen; in disem
spitall zu Hallstat speist man aber nyemandts unnd haben auch uber 11 personen ir
herberg nit drinnen, sind denselben 11 personen und noch ungeverlich bey 28, so ire
aigne armbsalige herbergl und hüttl ausser des spitalls haben, thuet 39 manß unnd weybs
personen; denen wirdet von den gefellen aus obbemelten halstetischen spitall wochenlich
zu irer unnderhaltung, nach gelegenhait aines jeden verdiennst, ainem ain 3, 4, 5, 6, 8, 12
unnd aufs maist 15 kreuzer, auch etlichen nuer 10 den., durch die spitallmaister bezallt,
damit muessen sy sich betragen, dann man hat zu Hallstat nit grundt noch gelegenhait
zu solcher unnderhaltung unnd ist das ziemas als schmaltz, schotten, käß und milich
hart zubekhomen, derhalb man obbemelten armen [193v] leuten in dem haltstetischen
spitall gleich also ainem jeden ain wochenlich geltl, wie obstet, gibt, unnd wann also
ain alte, erlebte, arme, abgearbaytte person, die des almusen auß dem spitall nodturfftig,
furkhumbt, so wirdt sy mir, Spyller, saltzambtman, zu den zwayen rayttungen im jar von
e(uer) khu(niglich) m(ajestä)t hofschreiber unnd verwesern zu Halstat furgestelt unnd
ir alsdann nach irem thun und verdienen solch almusen unnd hilfgeltl von mir mit rat
der andern ambtleut bey dem spitallmaister angeschafft und verlaufft sich beruertes
halstetischen spitall einkhumen mit e(uer) khu(niglichen) m(ajestä)t neulich geschafften
gnadt der 2 tl. fueder salz, khauff unnd maut frey auß zulassen, darfür innen aber das par
gelt auß dem ambt geraicht wirdt, als alle viertl 46 unnd ain jar 184 tl. den; ungeverlich
auf 290 tl. den.
Unnd istb noch bey zeiten des Wuehrer, vorigen saltzambtman saligen, furkhumen unnd
durch ine unnd mich, Spiller, als hofschreiber derselben zeit unnd die anndern ambt leut
fur guet angesehen unnd beratslagt worden, nach dem man zu machung merer pfiesel
unnd saltzhalter von bemeltem halstetischen spitall ain alte behaußung unnd hofstat
für e(uer) m(ajestä)t ungeverlich umb 160 tl. den. auß dem ambt erkhauffen mues, das
man solh khauff gelt zu erweyttrung, pessrung unnd zuerichtung merer gemach unnd
wonungen in bemeltem spitall zu Hallstat, darzue man etwas gelegenhait anlegen solle,
damit ain merere anzall armer leut im spitall unnderbracht werden möchte, welches aber
bißher noch nit beschehen.
Sovil dann nun e(uer) khu(niglichen) m(ajestä)t begert erkhundig- unnd beratslagung,
auch bericht, an was ort solh neu spitall [194r] inner oder ausserhalb des marckhts alhier
zu Aussee mit pesster gelegenhait erpaut unnd ob nit etwo ain abkhumen closster oder
andere gelegenhait alhie darzue, das man etwas gebeu ersparen, unnd wie auch die armen
leut mitler zeit mit wonungen versehen, unnd sonnderlich die alhier zu Aussee unnd
Hallstat ir narung unnd underhaltung alters und schwachait oder leibs gebrechlichkait
halben nit mer gelingen, in ander weeg unnderhalten werden mügen belangen thuet,
hieraufc berichten e(uer) khu(niglichen) m(ajestä)t wie in aller unnderthenigkhait, das
es alhie zu Aussee im marckhtd nit mer dann die pfarr kirchen zu sanndt Paulls unnd
obbemelt clain kirchl im spitall zum heilligen geist unnd dann zu Alten Aussee bey ainem
a Korr. aus statlich.
b Über der Zeile nachgetragen.
c Über der Zeile nachgetragen.
d Folgt hierauf, getilgt.
back to the
book Spital als Lebensform - Österreichische Spitalordnungen und Spitalinstruktionen der Neuzeit, Volume 2"
Spital als Lebensform
Österreichische Spitalordnungen und Spitalinstruktionen der Neuzeit, Volume 2
Entnommen aus der FWF-E-Book-Library
- Title
- Spital als Lebensform
- Subtitle
- Österreichische Spitalordnungen und Spitalinstruktionen der Neuzeit
- Volume
- 2
- Authors
- Martin Scheutz
- Alfred Stefan Weiß
- Publisher
- Böhlau Verlag
- Location
- Wien
- Date
- 2015
- Language
- German
- License
- CC BY-NC 3.0
- ISBN
- 978-3-205-79639-8
- Size
- 17.5 x 24.7 cm
- Pages
- 722
- Category
- Medizin