Page - 427 - in Spital als Lebensform - Österreichische Spitalordnungen und Spitalinstruktionen der Neuzeit, Volume 2

I. Österreich: Hofspitäler (Edition Nr. 1–16) 427 Gegen denselben ferrer nach vermug irer purgation und behelfs, was recht ist, ergeen zulassen. [43.] Und nachdem in dergleichen sachen die verordnungen in dem anfang nit aller ding, wie es die nodturfft woll erfordert, gestelt werden mugen, sonnder, so das werch in die hanndt genomen, sich erst allerlai mangl erraigen unnd befunden, deshalben [181v] was khunfftig zu nuz unnd aufnemen dises spitals unnd den armen zu guet gepessert werden mage, sollen die superintendentena enderung, minderung unnd meerung furzenemen unnd zu ordnen macht haben unnd, so inen was beschwerlichs furfeldt, das sollen sy yeder zeit, wie hievor geschriben steet, an unns oder ernennte unnsere niderössterreichischen regierung unnd cammer umb beschaidt gelanngen lassen, an dem allen beschicht etc. Geben zu Augspurg, den andern tag Augusti anno etc. im neunundfunfzigisten. Nr. 7 Ordnung (und Instruktion) des Hofspitals in Graz. Prag, 1561 November 19 Archiv: ÖStA, HKA, Gedenkbuch 87, fol. 404v–410 v; StLA, RuK, Sach 127/II, K. 401, fol. 18r–40 v (Abschrift 18. Jahrhundert) [404v] Instruction unnd ordnung was gestalt die armen leüt im neuen hofspitalb zu Gräz gehalten werden sollen Instruction unnd ordnung unnsers neuen hofspitalls, welhes wir Got, dem almechtigen, zu lob unnd ehr, auch zu trostc, hilff unnd erhaltung der armen notturfftigen personnen, in unnser statt Gräz, [405r] in unnserm furstenthumb Steyr aufzurichten, gnedigclich verordnet haben, wie unnd was gestalt in ernanntem spittall alle sachen gehanndlet unnd die armen leut unnderhalten sollen werden. [1.] Erstlichen, nachdem wir mit stäter hofhaltung den wenigern thaill in gemeltem unnserm furstenthumb Steyr, auch zu furfallennden sachen unnser regierung und camer zu Wienn gedachtem spital zu weit gesessen sein, so haben wir zu superintendenten Hannßen herrn zu Scherffenberg unnd Christophen Reschen, als gegenwurttige unnd khunfftige unnsere lanndt haubtleut unnd vizdomb daselbst, auch dann zu innen etc. den jetzigen pharrer in beruertter stat Gräz, und wer der khunfftig jeder zeit sein wierdet, als die albegen maistes thails zu Gräz mit wesenlicher wohnung unnd den sachen gar an der hanndt sein, biß auf unnser gnedigist wolgefallen fürgenomben unnd verordnet also unnd dergestalt, das sy volmechtigen bevelch unnd gwalt haben sollen, irem guetdungkhen nach in fürfallennden sachen des spitals unnd derselben armen leüth nuz unnd notturfft zum treulichisten zubedennckhen, maß unnd ordnung zugeben unnd, so innen was beschwerlichs fürfelt, dasselb an unns oder obbenennte unnser regierung und chamer umb beschaid yederzeit gelanngen zu lassen; sy sollen auch macht haben, wann es die notturfft erfordert, ainen spitlmaister unnd caplan sambt anndere notwenndige dienner a -ten- über der Zeile nachgetragen. b hof- über der Zeile nachgetragen. c Folgt unnd, getilgt.