Seite - 41 - in Giambattista Marinos Wort-Zucht-Peitschen und die Gegenreformation in Wien um 1655

41Textedition entschuldigen dieselben/ die gar zu leichtglaubig/ vnder euerer Ketzer-zucht verführt leben. <16> Vnangesehen diese euere schrifft aber/ in vnderschiednen Sätzen besteht/ deren jeder einen weiten vmbschweiff/ selbigen zuwiderlegen/ fordern würde ; will ich mit beyseyts-lassung der meisten verwirtesten/ (vnd zwar nur oben hin) dersel- ben etliche vbergehen ; vornemlich aber auff die wag legen/ dasselbe/ waiß nit wie ichs nennen soll/ Send- oder Absag-schreiben/ worinnen doch nichts anders steckt/ alß safftlose possen/ kahle verschlagenheit/ vnd solche beschwerden/ die deß Königs nutz/ vnd der gemeinen Ehr benachtheiligen. Dreyerley sachen hab ich in <17> disem Buech/ gleichwol nur im oben hindurch- sehen/ bey mir selbst betracht. Vnverstandt/ Boßheit vnd Muhtwillen. Ein grosse vnwitz hab ich zwar auß dem vermerckt/ daß jhr fragen auff die bahn bringt/ vber die man wol schon mehr alß hundert mahl gestritten/ aber mehr alß tausend mahl/ allbereit vberstritten hat ; vnd behaubtet euere gründe mit noch schlechtern/ vnd vil kahlern beweisen/ alß sie theils von euch selbsten/ schon besser haben fürgebracht. Allzeit fordert Jhr die proben auß der Schrifft/ vnd wolt aber <18> die Satzungen nit zulassen. Jhr sehet nur allzeit auff den schaum/ nicht auff denselbigen ver- standt/ den die Schrifft erfordert. Jhr kommet offt mit solchen weisungen/ mit denen Jhr euch meistens doch nur selber schlagt. Jhr redet euch selbst gar offt zu wider/ vnd verwirret die rechte redens-art der Schrifftgelehrten. Jhr verfaßt ohn beweisen ; Jhr beweiset ohne schliessen/ vnd schliesset ohne vnderscheiden : Sehet wie vngeschickt Jhr seyt ! Eine künstliche Boßheit hab ich an euch vermerckt/ daß euere sach zu recht- fertigen/ Jhr ein schmäh-büchel/ eine widerlegung <19> nennen wolt. Hundert listige griff erfindet Jhr/ euch beym König zuzumachen. Jhr brauchet allen fleiß/ vnd beklagt euch vnauffhörlich/ vmb die schulden der beleidigung/ auff andere zuschieben. Damals dringt Jhr erst mit euren fürlagen herfür/ wann es/ in be- trachtung daß man von was anders handelt/ nit von nöthen ist. Den tügelrauch wolt Jhr für gold/ vnd die spitzfindigkeit für Schluß-reden außgeben. Jhr verfälscht die Zeugen/ in dem Jhr sie nach euren Narren-köpffen anzieht ; jmmer kleine Sätze/ aber auch wol gantze <20> Jnnhalt davon nehmend/ vnd hinzusetzend/ ohne was Jhr sonst den rechten wort-verstand/ auff alle weiße zuverdrehen suchet. Sehet nun/ wie Jhr Bößwicht seyt. Endlich spühre ich bey euch einen Muthwillen/ der ohne gleichen ; in dem Jhr die lebende beleidigt/ die Catholischen alle ins gemein beschmähet/ aber absonderlich die Herrn Vätter der Gesellschafft JEsu/ schimpfflich angreifft. Jhr beleydigt die Todten/ in dem Jhr jhnen die hülff deß Gebetts versagt. Jhr 10 20 30