Seite - 43 - in Giambattista Marinos Wort-Zucht-Peitschen und die Gegenreformation in Wien um 1655

43Textedition erfahrenheit/ über die banck zuziehen ; vnd zwar nicht ohn dieselbige billich ent<26>zündung/ die euch offentlich zubeschänden/ erfordert wird. Damit ich aber von eurem gantzen leben/ einen desto bessern bericht einziehe/ so sagt mir zugefallen dise drey sachen : Wer seyt Jhr ? Warum schreibt Jhr ? oder was schreibt Jhr ? So vil das erste nun betrifft/ möcht ich wissen/ wer Jhr seyt : ob Jhr dann gelehrte/ oder nur verfuhrer/ züchtiger oder verhetzer/ Außleger oder Spöt- ter/ gesetz-geber oder verbrecher/ Maister oder schulbuben/ verbessert oder verbö- sert/ Apostel oder abtrünnige/ Chri<27>sten oder wider-Christen/ Monsichtige oder besessene/ Menschen oder Vieh seyt ? Jhr nennt vnd vnderschreibet euch zwar Hirten : Wann ich ewre Thorheit aber genau besieh/ so scheinet Jhr mir eher rei- dige Schaff/ alß Hirten ; gedenck ich eurer Boßheit nach/ so halt ich euch vil eher Wölff/ alß Schaffe seyn. Vnd wer hat euch disen Hirten-stab gegeben ? habt Jhr jhn villeicht vom Herrn/ wie sein hoher Priester jhn gehabt/ da Jhm gesagt worden : Weide meine Schaff ! nun ist ja kein zweiffel/ daß Christus aller Hirten/ Hirt gewesen. <28> (Jch bin ein gutter Hirt) sagt Er/ dahero müssen alle andere abrieß/ nach disem grund-bild/ so das beyspiel aller vnserer handlungen/ gericht seyn. Ja werd Jhr mir sagen/ wir seynd auß der zahl/ der verbesserten/ oder verbesserer ; vnd seynd nit mehr verbunden/ seinem Leben nach zufolgen : wir selbsten wollen jhn vnderweisen. Gut geredt/ aber dise vnerweisung zu beginnen/ ist vonnöthen/ daß der andere abzug/ besser seye alß der erste/ dannenhero erfolgen müste/ daß Jhr besser weret/ alß der selbste alten sachen Schöpffer : <29> kan ich also billich wider fragen/ wer seyt Jhr ? was freyheiten habt Jhr ? was vor beweise zeigt Jhr ? wer seynd euere Patriarchen/ eure Heiligen/ eure dapfere Lehrer ? der Calvinus/ der Luther/ vnd der andere Abfaum eines Volcks ; die hefen/ (sag ich) aller gros- sen Laster von der welt. Wolan/ so weiß man auch gar wol/ was eines guten Hirtens Ampt vnd schuldig- keit mit sich bringt. Ein gutter Hirt gibt sein leben vor die Schaffe. Lasst vns aber sehen wie dann Jhr/ mit eurer Herde <30> vmbgeht. Jhr bedient sie an statt der heilsamen kräutter mit schierling/ eysenhütlein/ vnd wolffs-kraut. Jhr träncket sie mit trüben wasser/ ja/ was sage ich/ mit gifft-stinckender kothlacken. Jhr stellet sie in stinckende ställe/ vnd die voller vnflat stecken. Jhr hütet sie weder vor Dieben/ oder wilden Thieren. Jhr beschert sie nit allein/ sondern zieht jhnen auch die haut ab. was ists dann hernach für wunder/ wann sie schwartze milch geben/ vnd mit eurer Seuche angestekkt/ so ellendig dahin fallen. Ein Miedling aber der kein <31> Hirt ist/ deß die Schaff nit eigen seynd/ sihet den Wolff kommen/ vnd verlässt die Schaff vnd flieht/ vnd der Wolff erhascht vnd zerstreüt die Schaffe.6 6 Ioh. 10. 10 20 30