Seite - 401 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

I. Österreich: Hofspitäler (Edition Nr. 1–16) 401 Nr. 3 Antwort von Sebastian Tunkl, Verweser des Hallamtes Aussee, und Georg Spiller, Salzamtmann von Gmunden, bezüglich der Gründung der Hofspitäler in Aussee und Hallstatt (Nr. 2). Aussee, 1552 November 17 Archiv: StLA, A. Aussee, Markt und Gemeinde, K. 314, H. 420, fol. 190 r–197v [190 r] Unnser der comissari anntwort darauff Allerdurchleuchtigister grosmechtigister khunig allergnedigister herr, euer rom(isch) khu(nigliche) m(ajestä)t seien unnser unnderthenigist verpflicht unnd schuldig diennst jederzeit in höchster diemuet zuvoran berayt. Wir haben e(uer) ro(misch) khu(niglichen) m(ajestä)t genedigiste schreiben unnd bevelh, des datum stet zu Eberstorff, den 24. tag negst verganngnes monats Octobris belanngunndt e(uer) ro(mischen) khu(niglichen) m(ajestä)t genedigisten entschluß und loblich gotsalig cristlich vorhaben von wegen furderlicher aufrichtung unnd erpauung aines neuen spitalls in oder ausserhalb des marckhts alhie zu Aussee, darinnen die armen nodturfftigen mannß unnd weybs personen ir nodturfftige wonung, namblich ain behaußung wie ain spitall sein solle, unnd daran ain khirchen mit ainer par khirchen, darinnen sy den Gots diennst hören gehaben mugen, welhem spitall e(uer) khu(niglichen) m(ajestä)t auch aus den gefellen unnd einkhumen e(uer) khu(niglichen) m(ajestä)t hallambts alhier zu Aussee ain tausent gulden zueordnen wellen und wir darauf onverzug erkhundigung unnd beratschlagung fürnemben und halten [190 v] sollen, an was ort unnd stell solh spitall inner oder ausserhalb des marckhts Aussee mit pester gelegenhait erbaut, ob auch nit zuersparung merers uncossten ain abkhumen closter oder anndere dergleichen gelegenhait, damit die behaußung unnd khirchen nit aller ding von neuen erbaut derfft werden, vorhannden, wo auch mitler zeit, biß angeregt spitall erbaut unnd sunst in ain ordnung gebracht, die armen leut mit wonungen unnd sonnderlich, die so bey bayden sieden alhie zu Aussee und daniden zu Hallstat ir narung unnd unnderhaltung alters schwachait oder leibs gebrechlichkait halber nit mer gewinnen, in ander weg unnderhalten werden mugen, mit aller gebur empfanngen und solh e(uer) ku(niglichen) m(ajestä)t genedigist bedannckhen und vorhaben von wegen der armen alten abgearbaytten arbaytter deren bey bayden sieden uber die, so nun in unnd ausser bayder spitaller hie und zu Hallstat unnderhalten, auch mit gelt und prot hilf beschicht, woll verhannden sein in unnderthenigkhait gerne vernomen unnd auf solh e(uer) khu(niglichen) m(ajestä)t schreiben unnd bevelh an gestern hierher zusammen khumen und diser erkhundig- und beratschlagung ainen anfanng gemacht. Unnd damit aber e(uer) khu(niglichen) m(ajestä)t des jetzigen hieigen, auch hallstetischen spitalls einkhumen der armen leut darinnen, wie die gehalten, auch gebeu unnd wonungen unnd aller gelegenhait ain aigentlich wissen so berichten e(uer) khu(niglichen) m(ajestä)t wie hiemit anfenckhlich das alhie zu Aussee im marckht vorhin ain spitall daran unnd darinnen ain zimlichs khirchl [191r] zum heilligen geist genannt, auch parkirichen unnd aus der armen leut stuben, darinnen sy alle wonnen, ain thur herauß in die kirchen unnd gegen den altar ain venster unnd hat auch ainen aignen caplan, der alle werchtag in der ganntzen wochen die fruemesß drinnen lisst unnd khain vacannten hat; unnd ist solh spitall verschines 1543. jars mitsambt dem vorgeweßnen mauthaus, auch dach unnd thurn auf der kirchen abgeprunnen unnd auf e(uer) m(ajestä)t cossten