Seite - 498 - in Spital als Lebensform - Österreichische Spitalordnungen und Spitalinstruktionen der Neuzeit, Band 2

498 I. Österreich: Hofspitäler (Edition Nr. 1–16) Weichnachten beschliessen, ungefärlich auf den tag daran die verweser zu Haalstat ire rayttungen beschliessen und sich mit derselben auch quittungen, bevelch, zetln und anndern darzue gehörig, dermassen gefasst machen, er dieselb in raitzeit zu Weichnachten auf des ambtmanns ervordern richtig und ordenlich fürbbringen mügen. [27.] Beschlieslich wo auch sich in dem hoffschreiber ambt bey der menig der ambts geschäfft zetrueg, das man ainer vleissigen personn, die etwo nach gellt und anndrer des syedenns, auch beruerts spittalls notdurfften auszuschikhen und sonnst zubesichtigung und beschreibung der arbaiten inner und ausser des marckhts zugebrauchen notdurfftig sein wurdt, und er, der spittalmaister, solches an nachtail und verhindterung beruerts seines ambts verrichten möcht, sol er sich yeder zeit in der kh(uniglichen) m(ajestä)t zerung darzue willig und gehorsamblich brauchen lassen und die wierdtschafft und aufsehung dieweill dem [9r] vorgemelltem Spitzer oder ainer anndern gesanndten spittals personn bevelchen. [28.] Unnd ist dise instruction durch unns die hernach benenndten Geörgen Spiller, rö(misch) khu(niglich) m(ajestä)t etc. rathe salzambtman, Cristoffen Satlperger und Jheronimeen Peugl, ambts gegenschreiber zu Gmundten, auch Benedicten Vischerauer, hofschreiber, Cristoffen Dynnharten, phieslschreiber, und Georgen Possen, thorwart zu Haalstat, mit unnser yedes hanndt undterschrifften und aufgetruckten petschafften verförttigt und offt gemellten Khällßen zuegestellt worden, doch behallten innen gedachte ambtleidt von der hochgedachten khu(niglichen) m(ajestä)t wegen hiemit bevor, dise instruction zu meren und zu mindern, wie es die notdurfft und glegenhait erfordern will. Actum Haalstat, den VI. tag Apprillis anno im LV. G(eorg) Spiller, saltzambtman C(hristoph) Satlperger, mautter J(heronimus) Peugl, mpria. B(enedict) Vischerauer C(hristoph) Dynnhardt Jorg Poß Nr. 14 Bestallungsbrief für Michael Lefin, Hofspital-Pfleger in Innsbruck. [Innsbruck,] 1579 April 25 Archiv: TLA, „Bekhennen“ 1579, fol. 52v–55v Michaeln Lefins, hoffspital pflegers zu Ynnsprugg bestallung Wir, Ferdinand etc., bekhennen, das wir unnsern dienner unnd getreuen Michaeln Lefin zu unnserm hoffspitalpfleger alhie [53r] an- unnd aufgenommen haben, thuen das auch hiemit wissenntlich in chrafft dits briefs also, das er in albeg der alten, waren, catholischen, allgemainen römischen kirchen, religion unnd ordnung anhenngig sein unnd bey der gehorsamen ainigkhait unnd gemainschafft derselben heilligen alten, cristlichen römischen kirchen bestenndigclich bleiben unnd verharrn, auch auf unns, unnser stathalter, regennten unnd camerräthe unnserer oberössterreichischen lannde, sein aufsehen haben, unnd dann so soll er darob sein, das die stifftung unnd die armen pfrienndtpersonen