Seite - 114 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition uberanntwurdt. Darumben soll ainem gewesen richter des negsten, nach dem ain annder erwellt, sich in die raittung zustellen aufgelegt werden. [§ 11] Zum aindlifften tragen sich im anschlag der steuer unnordnunng zu, das richter unnd geschworn , uje außu gunst, je v auß misverstanndt di steuer allein auf die behausten gueter, nach gelegenhaidt der lehen , halben lehen , vierltl lehen unnd hoffstat unnd nich nach gelegenhait der personen ver- mugen anschlagen. Darumben inen aufzulegen, daz sie nicht allain nach den behausten guetern, sonnder auch nach gelegenheit des vermügen, uber- lenndt oder purgckhrecht gründt den anschlag machen unnd steuer nemen. [§ 12] Zum zwelfften ist sich auch zuerinndern, an welchen orten stifften, khir- chen, capeln unnd zechenndt sein, was von alter heer darzu gehördt, ob darvon entzogen, durch wen unnd zu was zeit, wie es auch mit den zech raittung gehalten unnd der pharkhirchen oder zech nutz betracht oder ge- fürdert, di unnordnung unnd aigen nutz der richter , gemain oder zechleuth abzustellen. [§ 13] Volgundt ainer ganntzen gemain fuerzuhallten, das sie iren füergesetzten richter unnd geschwornen in nomen des herrn prelaten ierer oberkhait gehorsam unnd gewerdigt sein, wider ierer eer unnd glimphen nicht reden oder hanndlen, steuer , diennst , robat unnd was innen von oberkhait wegen aufferlegt, füerderlich unnd zu ainer jeden w rechten zeit außrichten unnd sich darinnen nicht annders dann gehorsam halten unnd beweisen, iere gründt zu rechter zeit anpauen, auch hauß unnd hoff stifftlich unnd peulich halten, ann teuglichen arbaittägen, auch beÿ der nacht uber ordennliche zeit des weinsitzens unnd spill , gotslesterung , unnerlich beÿwonung unnd dergleichen ergerlichen sachen vermeiden unnd sich enthalten, zu osterli- chen zeitten, wie christen zuestet, auch sunst alle feÿrtagen zu wort Gothes unnd khirchen ganng x stellen, dardurch sÿ fruchtbarkhait leibs unnd der erben zuegewartten, auch wolfardt unnd auffnemen alles ieres hanndels unnd wanndls innen unngezweifflt werde volgen, so sÿ in solchem wanndl gegen Gott unnd ierer oberkhait werden verharren unnd sich funden lassen. Unnd zum beschluß, daz sie in alweg gedacht sein, des gottshauß yunnd aigennsy nutz unnd auffnemen zubefüerdern unnd schaden abzuestellen unnd zuverhietten, darmit dem gotshauß unnd gemain nicht enntzogen, u –u D: ir auf; E: je auf v D: ir w am linken Rand ergänzt x folgt in B, C, D und E: sich y –y fehlt in D und E 114