Seite - 150 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 1] Erstlichen soll er in albeg des gozhaus freiheiten, teren abschrifft wir ime zuegestellt, mit höchstem vleis in allen sachen unnd innhaltungen hanndthaben, beschüzen, widerwärtig hanndlungen verhueten unnd ablai- nen, auch di armen unnderthannen sollicher massen in allen pillichen unnd notturfftigen sachen hilflich unnd beistänndig sein, damit niemant wider gemellt freihaiten beschwärt, noch dem gozhaus nicht enntzogen werde oder ainicherlaÿ abpruch beschehe. Ob sich hanndlung zuetruegen, die er durch sein person an unnser unnd des gozhaus nachtl nicht richten oder abstellen möcht, soll er unns zeitlichen anzaigen, das man mit bedachtem rat zuhanndthabung gemelder freihaiten, altherkhomen unnd desselbigen arm leit gerechtigkhaiten di nottdurfft unnd pilligkhait gehanndln mög. [§ 2] Was sich zwischen unnsern unnd des gozhaus diennern oder unnderthan- nen , auch auswendigen, in welltlichen sachen füer krieg oder ansprach zuetregt, soll er verhör holten, die ungerechten nach gelegenhait irs ver- prechen straffen , di wänndl zu unnsern hanndten einnemen unnd auf guet raittung mit vleis aufschreiben, di acta seiner hanndlunngen sambt seinen abschieden zu khunnfftiger gueter unndericht registriern lassen unnd sein järlichs protocol darauf halten. [§ 3] Er soll auch alle panthäding alls ain hofmaister mit sambt ainem, so unnser ränntambt verwalt a, zu holten fürnemen unnd anndern, so wir darzue ver- ordnen, besizen, zu hanndhabung derselben hanndlen, wie sich gebürt unnd von allter herkhumen ist. Wenn es di notturfft erfordert, soll er b zuverhör- sachen , panthaiding unnd anndern, unnsern des gozhaus unnd desselben armen leit fürfallenden hanndlungen, des gozhaus officier oder sonnst ein vertraudt unnd verwandt leüdt unnd guet freunndt erfordern unnd piten, auch geprauchen. [§ 4] Er soll bei dem gozhaus in allen sachen guete ordnung mit unnsern wissen unnd gefallen fürnemen unnd machen, deshalben soll ainem ÿeden officier oder hanndler seiner verwesung schrifftlich instruction zuegestellt werden, sich mit auspeisung oder in annder weg derselben gemäß zuhalten wissen, für sich selbs auch durch annder halten, volziehen unnd hanndthaben, bei allen des gozhaus officiern unnd diennern, auch derselben verwesungen, khaines nach nicht ausgeschlossen, als ein gueter hauswirt sein vleissig unnd getreu auf unnd zuesehen haben, damit allennthalben rechte ordnung unnd guete wirtschafft gehollten, ainem ÿeden sein ordinari gegeben unnd nicht unbillich oder unordennliche bei kuchl , keller , phister , im gschierhof a unsichere Lesung b folgt gestrichen: zu 150