Seite - 158 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition oder abstellen möchte, soll er unns zeitlich anzaigen, das man mit be- dachtem rath zu hannthabung gemellter freihaiten, allt herkhumen und desselbigen armleit gerechtigkhait die notdurfft und pilligkhait hanndlen möge. [§ 2] Was sich zwischen unnsern und des gotshauß dienern oder unnderthannen , auch auswenndigen in welltlichen sachen fuer khrieg oder ansprach zue- tragen, soll er verhörn , die ungerechten nach gelegenhait ires verprechen straffen , edie wänndl aigentlich beschreÿben und uns darvon ÿeder zeit zwen taill derselben wänndl oder verworchten peenfäll zu unsern hannden uber anntwortten und ime den ain taill denselben freÿ volgen und beleiben,e die acta seiner hanndlungen sambt seinen abschieden zu khunfftiger guetter unnderricht registriern und sein järlichs protocoll darauf hallten. [§ 3] Er soll auch alle panthäding als ain hoffmaister mit sambt ainem, so unnser ränntambt verwallt, zu halten fuernemen unnd anndern, so wier darzue verordnen, besizen, zu hannthabung derselben hanndlen, wie sich gebuert und von alltem herkhumen ist. Wenn es die not erfordert, soll er zuver- hörsachen, panthading und anndern unnsern des gotshaus und derselben armen leit fuerfallennden hanndlungen des gotshaus f offizier oder sonnst gim verwannt undg dem gotshauß vertraut leit unnd guet freundt erfordern und bitten, auch gebrauchen. h [§ 4] Er soll beÿ dem gotshauß in allen sachen guete ordnung mit unnserm wissen und gefallen fuernemen und machen. Deshalben soll ainem ÿeden offizier oder hanndler seiner verwesung schrifftlich innstruction zuegestellt werden, sich mit ausspeisung oder in annder weg derselben gemäß zu- hallten wissen, fuer sich selbs auch durch annder hallten, volziehen und hanndthaben, beÿ allen des gotshauß offiziern und diennern, auch derselben verwesungen, als ein gueter hauswiert sein vleissig und getreu auf- und zusehen haben, damit allennthalben rechte ordnung und guete wiertschafft gehallten, ainem ÿeden sein ordinarÿ gegeben und nicht unbillich oder un- ordennlich beÿ khuchl , kheller , phister , gschierhof und reitstall mit essen, d in A ′ ergänzt: ver e –e in A ′ gestrichen f folgt in A ′: rendtschreiber g –g A ′: treülich unargwenig h folgt in A ′: Und wo hoffmaister so[m]bt den rentschreiber pontheding holten wierdt, soll er khein richter oder ambtmon ennderen oder bemüessigen, es sein don dem gotshauß alle steuer dienst in seiner ambtsverwaltung versessen zuvor bezoltd etc. 158