Seite - 162 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition jederzeit bedennckhen unnd wider di gebuer nicht beschwären. Darinnen behallten wier unns bevor, die gelltstraff , wanndl unnd penvall mindern, meren, gar auffzuheben oder auff leibstraff des thuernns unnd in annder weg zuwennden, wie unns verlust, gevelig oder gelegen sein will. Es soll auch all acta seiner hanndtlungen, sambt seinem abschieten zuekhunfftiger gueder unndericht registeriern lassen unnd sein jarlichs producol darauff hallten. [§ 3] Er solle auch alls ain hoffmaister sambt ainem, so unnser ränndt ambt hanndlt unnd verwallt, all pannthetinng , so ime zuhallten gebuern, albeg zue rechter zeit besitzen, zuhanndthabung derselben hanndlen, wie sich gebuert unnd von allter herkhumen ist. Wen es die notturfft erfordert, soll er zu verhorsachen , pannthatunng unnd annder unnsern des gotshaus unnd desselben armen leit hanndtlungen des gotshaus officier oder sunst vertraut unnd verwanndt leÿt unnd guet frainndt, di dem gotshaus nicht widerwerttig erfortern, darzue pitten unnd geprauchen. [§ 4] Er soll beÿ dem gotshaus in allen sachen in der wierdtschafft unnd unnder dem gesinndt guete ortnung mit unnserm wissen unnd gefallen fuernemen und machen, deshalben soll ainem ÿeden officier oder hanndtler seiner ver- wesung schrifftlich instruction zuegestellt werden, sich mit ausspeissung oder inn annderweg derselben gemäß zuhallten wissen, fuer sich selbst auch durch ander helffen, voltziechen unnd hanndhaben, beÿ allen des gots- haus officiern unnd diennern, auch derselben verwesungen, alls ein gueter hauswiert sein vleissig unnd getreu auf unnd zuesechen haben, damit allent- halben rechte ordnung unnd guet wiertschafft gehallten, ainem ÿeden sein ordinari gegeben unnd nicht unbillich oder unordenlich peÿ khuchl , kheller , phister , im geschierhoff unnd reitstall , mit essen, tringkhen, habern , heÿ , streÿ unnd allen anndern sachen ausgeben, vertzert oder verschwent, sonn- der schaden unnd spott verhuet werden. [§ 5] Ob er beÿ ainem oder mer officiern , khnechten unnd diennern, die ime von unnsernt wegen gehorsam zulaisten gelobt sein oder hernach mit glib verstrickht werden, ainicherlaÿ unnfleiß, unnordnunng, unntreu oder unn- gehorsam befunde oder erindert, soll er mit notturfftiger unnd gepüerlicher straff verfaren unnd dermassen einsechung thuen, damit, wie vorbestimbt, allweg guete policei und ortnung gehallten werde. [§ 6] Er soll auch laut aines inventari unnsere reitroß mit irer zuegehorung zu bevelch haben, beÿ denn reitkhnechten darob sein, das si den rossen vleissig warten unnd sunst erlich, zichtig unnd nit aufruerig sich hallten. 162