Seite - 163 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt [§ 7] Die harnischkhamer , geschutzt , pulver , khugl unnd annder khriegs nottu- erfft, so diser zeit beÿ dem gotshaus ist unnd hernach darzue khumbt, soll er in gueter huet unnd verwarung haben, zur zeit seines abzugs sambt allen anndern seinen hanndtlungen widerumen uberanntworten. [§ 8] Wover das sich khrieg zuetruegen unnd des gotzhaus unnderthannen , die zue merberuertem gotzhaus ir zueflucht werden haben, soll er mit ÿerem leib unnd guet, wie es das stat haben mag, unnderpringen unnd bevolchen haben. [§ 9] Wenn es not wuerde, soll er van des gotzhauß aigen oder dorfern den finf- ften mann zuerhalltung des gotzhauß zeitlichen erfordern unnd in guete ort[n]ung stellen. [§ 10] Mit dem hofgesinndt wierdet er zuhanndtlen wissen, doch ist van notten, das sich all officier unnd dienner, so nachtlicher zeit ausser des closter glegen, zu sollicher leiffen in das closter thuen unnd dasselbst pleiben. [§ 11] Er solle in allweg unutz unnd uberigen cossten verhuetten, annzall der personnen, so man unnderhallten mueß aigenntlich aufschreiben unnd offt abzellen. Die tiernitz mit ortnung ernnstlich unnd strafflich hallten, damit nit widerwartigs gehannndellt, noch fuergenumen werde, all uberig und unutz personnen a, die sich beÿ dem Closter oder in des selbigen zuegeho- rigen heiser ennthallten wollten, soll er abschaffen unnd aufs beldist weekh thuen, aber die armen elennten hausarmen leit alweeg bevolchen haben. [§ 12] Ime sollen alle schlussl zu allen dernn zuegestellt werden, das durch sein verordnung mit auff- unnd zuesperung, sumer - unnd winders-zeiten , mor- genns unnd nachts guet unnd getreu verwarung geschehe, unnd namlichen, wen man beÿ dem gotshaus weinschenckht , soll er bestöllen, wenn sich aufruer zuetruegen, das mit der eÿll zugeschlagen unnd gespert werte, damit er sambt des gotzhaus diennern, die ime auf sein erfordern gehorsam sein sollen, desto statlicher hanndln unnd die auffruerigen zu der straff bringen moge. [§ 13] Ob zu zeiten zu dem gotzhauß versehens oder unversehens erliche gest khumen, soll er in unnserm namen emphachen unnd mit zimlicher notturfft, wie sich ainer jedn stannds nach gebuers, gewierten unnd versechen. a Wort korrigiert 163