Seite - 164 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 14] Wann er in des gotzhauß sachen unnd hanndtlungen uberlanndt ausge- schickht wiert, soll er mit zimlicher zerung versechen werden. [§ 15] Dieweill aber nit alle zuefallendt sachen, so ainem hoffmaister des gotshauß unnd unnser nottuerfft zuhanndelln gebiern, dieser zeit miglich in schrifft zuverfassen, dero halben behallten wier unns gegen ime nach nutz unnd notuerfft des gotshauß inn sollichen ambt vorbemellt antzaigen unnd khunf- ftigen bevelch bevor, die zu munern unnd meren, darinnen er sich laut seines reverß unnd phlicht in allweg getreu unnd gehorsamlichen hallten solle. Zu urkhunt seindt zwo gleich lautentt instruction aufgericht, deren jeder taill mit des annder betschafft unnd aigner hanndt unnderschreÿbung verfertit, aines zu seinen hannden genumen. [E] Actum 13. Instruktion für den Hofmeister von Propst Petrus II. ohne Ort, [1559] A Hs. 31/1, fol. 1r–4r. Aufbau: P – 21 §§ – E. Datierung: mithilfe von Hs. 31/1. Überlieferungsform: Abschrift. [P] Hoffmaister . Vermerckht, was gestalt wir, Petrus, probst unnd der convent gemain unnser lieben frauen gothauß Sandt Leopolts stifft zu Closterneuburg , dem ersamen und furnemen N. N. zu unnserm haubtman oder hoffmaister bestellt unnd aufgenamen haben. [§ 1] 1. Erstlichen soll er in albeg des gothaus freÿhaiten, darvon er jederzeit von unns oder wemb wir solches vertrauen oder bevelhen gueten bericht sol haben, mit hochstem vleiß in allen sachen unnd inhaltungen hanndthaben, beschützen, widerwerdtig hanndlungen verhietten unnd ablainen, auch die armen unnderthonnen solcher massen in allen billichen unnd notturftigen sachen hilfligen unnd beistenndig sein, darmit niemand wider die billigkhait unnd gemelt freÿhaiten beschwert, noch dem gothauß nicht enntzogen wer- den oder ainicherlaÿ abbruch beschech. 164