Seite - 179 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt unndter dem essen gespert sein, unnuz auß- unnd einlassen unnder der malzeit vermitten beleiben. [§ 19] Unnd nämblichen, wan man beÿ dem gottshaus wein schenckht, soll er be- stellen, wann sich auffruer zuetruegen, das mit der eill zuegeschlagen unnd gespert werde, damit er sambt des gottshaus diennern, die ime hierinnen auf sein ervordern gehorsamb sein sollen, desto statlicher hanndlen unnd die auffrüerigen zu der straff bringen möge. [§ 20] Ob zu zeitten zu dem gottshaus versehens oder unversehens ehrlich gest khumen, soll er dieselbigen empfahen unnd mit zimblicher ansagung auch notturfft, wie sich aines ÿeden stanndts nach gebüert, gewiertten unnd versehen. [§ 21] Er soll aber füer sich selbst das gottshaus mit besonnderer unnd beschwär- licher gastung nicht beladen noch on des herrn prelaten vorwissen zu khu- chen unnd kheller wider gepür t schaffen. Ob ime aber sein freundt oder aber sunst ain guetter mann khem, soll ers anzaigen, so wierdet mit gewierttung desselbigen gebüerlichen gehanndlt werden. [§ 22] Wann er in deß gottshaus sachen unnd hanndlungen über lanndt geschikht wierdt, soll er mit zimblicher zerung versehen werden, die er dann verrait- ten solle. [§ 23] Dieweill aber nicht all zuefallendt sachen, so ainem hoffmaister des gotts- haus notturfft nach zuhanndlen gebüern, in schrifften gestellt werden khann, so soll er demnach nach gelegenhait der sachen die notturfft selbst mereres bedenckhen unnd hanndlen, wie er sich dann gegen dem herrn prelaten vermüeg seines gegebnen reverß innsonnderhait verschriben hat. Dagegen soll im sein besoldung inhalt seiner bestallung ervolgen. Der herr prelat behelt ime auch bevor, dise instruction zu mindern, zumern unnd nach gestaltsam der sachen zuverandern, wie es die gelegenhait jederzeit geben wierdet. Wo es sich aber begäb, das sich genuegsam ursachen zue- truegen unnd das der herr prelat obgemelten Herman Renzen u zu solchem diennst nit lennger gebrauchen, sonnder verkheren wolte oder er lennger zudiennen nit willens wär, so soll ainer dem anndern ain quattember vor ausgang des jars aufsagen. Zu urkhundt mit obgemelts herrn prelaten unnd convents hierunder gestelten hanndtschrifft unnd pedtschadten ververttigt. t unsichere Lesung wegen eines Tintenflecks u A ′: Georg Mayr ; über der Zeile getilgte Wörter 179