Seite - 181 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt [§ 1] Erstlichen soll er in albeg des gottshaus freÿhaitten, davon er jederzeit von dem herrn prelaten oder wem er soliches vertraut oder bevelchen wierd guet- ten bericht haben soll, mit höchstem vleiß e in allen sachen unnd inhaltung handthaben, beschüzen, widerwerdige hanndlungen verhüetten unnd ablai- nen, auch die armen underthannen solcher massen in allen billichen unnd notturfftigen sachen hülfflichen unnd beÿstandig sein, damit niemandt wi- der die billigkhait unnd gemelt freÿhaiten beschwärdt, noch dem gotts haus nichts enzogen werde oder ainigerlaÿ abbruch beschehe. [§ 2] Ob sich handlungen zuetrügen, die soll er auf der ober cammer dem herrn prelaten , beÿ sizern obern kheller unnd grunthandler, in abwesen dem herrn dechant oder welcher under innen verhanden unnd anhaimbts ist, anzaigen, damit man daselbst zue handhabung gemelter freÿhaiten, altherkhumen unnd desselbigen arm leith gerechtigkhait die notturfft unnd billigkhait füernemen unnd handlen müege f. [§ 3] Was sich zwischen des gottshaus diennern oder underthannen , auch auß- wendigen, in weltlichen sachen füer khrieg oder ausprach g zu tragen, soll er auf der obern cammer in beÿsein der verordneten personnen verhören, die ungerechten nach gelegenhait ires verprechen straffen , wandl unnd peenfall in ain trühl, so derzue verordnet, thuen un[d] verspern unnd auf guette raittung vleissig aufschreiben, welches dan quatemberlich oder alle halbe jar soll außgezelt unnd verraith h unnd ime hoffmaister der dritte pfennig erfolgen unnd geraicht werden soll, die i acta seiner handlungen, sambt denn abschieden jzue khunfftiger guetter underrichtj registriern unnd sein jär- lichs protocoll darauf halten unnd monnatlichen oder wenn es die notturfft ervordert zeitliche raittung thuen. [§ 4] Er soll auch khain ponthading ohn vorwissen unnd bewilligung des herrn prelathen zuehaltten füernemen, sonder soliches ÿederzeit zuvor anzaigen, ob er beÿ solichem ponthating selbst auch sein oder jemants andern darzu verortnen wolte, sonnsten soll man zu handthabung der selben handlen, wie sich gebüert unnd von allter herkhommen ist. e in B irrtümlich: fleisch f folgt ein gestrichener Buchstabe g B: ansproch h folgt gestrichen: werden; B: werden i folgt ein getilgtes Wort j –j B: vleissig 181