Seite - 200 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition unnd verhiettung nachthails unnd schadens fürträglich zuesein befindet, ihme gründtlichen entdeckhen, auch wan herr prelat im Closter zuegegen, deß tags zum wenigisten ain mall, sonnsten aber in der wochen unnd wann waß wichtigs fürfelt, personlich anmelden, damit waß in allen unnd jeden sachen fürzunemeben mit ime gehanndlet werde. [§ 26] Dieweill aber nicht alle zuefallende sachen, so ainem hofmaister deß gots- hauß notturfft nach zuehanndlen gebüeren in schrifften gestelt werden khann, so soll er demnach, nach gelegenhait der sachen die notturfft selbst bedenckhen unnd hanndlen, wie er sich dann gegen dem herren praelaten destwegen mit ainem reverß innsonnderhait zu obligieren hat. Dagegen soll ihme sein besoldung innhalt seiner bestallung ervolgen. Dann herr praelat behelt ime bevor, disse instruction zuemindern, zu mehren oder nach ge- staltsame der sachen zuverändern, wie es die gelegenhait jederzeit geben wierdt. Wo es sich aber begab, das sich genuegsamb ursach zuetruegen unnd der herr praelath obgemelten n herren Veiten von Segenberg zue solli- chem dienst nit lenger gebrauchen, sonder verkheren woltte oder er lennger zuedienen nit willens wehr, sol soll ainer dem anndern ain quatember vor außganng deß jahrs aufsagen. [§ E] Zu urkhundt mit obgemelts herrn praelaten hierunder gestelten hanndt- schrifft unnd petschafft verferttigt. Geben zue Closterneüburg dem vierten tag Jener im sechzechenhundert unnd achtzechennden jahr. oAndreas br- obst zue Closterneuburg m.p.o [L.S.] n folgt in A und C irrtümlich ein zweites Mal: obgemelten o –o fehlt in B und C 200