Seite - 204 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition wahrung halten, damit nichts davon vergeben, verlohren noch zu nachtail khome, sonder zu der zeit seines abzugs sambt allen andern seinen hand- lungen widerumb soll und müg uberantwortten. [§ 14] Wo sich khrieg zuetruegen soll er beÿ und in dem gottshaus bleiben und deß gottshaus unnderthonen die ihr zueflucht hie herunden haben, mit ihrem leib und guett, wie es stat haben mag, unnderbringen und bevolhen haben. Wan es die notturfft erfordern wirdt, soll er von deß gottshaus aÿgen und dörffern den dreÿssigisten, zehenten und fünfften mann, nach dem es vonnöthen, zu erhaltung deß gotshaus zeitlichen erfordern und in guete ordnung stellen. [§ 15] Mit dem hofgesindt wierdt er zuhandlen wissen unnd fürnemblich alle abent sein vleissig aufmerckhen haben, daz alle officir und diener, so nächtlicher zeit in dem closter zuligen verbunden, nicht in der statt oder andern orthen sich aufhalten, die ubertretter auch destwegen ohne verschonung bestraf- fen. [§ 16] Item er soll auf den pfistermaister und sein gesindt , alß müllner und peck- hen , ihre junger und sackhtrager vleissig aufsehen, damit ihres mahlen, pachen und außspeisen halben dem gottshaus nit schaden ervolg. [§ 17] Er soll in alweeg unnuz und ubrigen costen verhüeten, haimbliche und winckhlfressereÿen beÿ tag und nacht in dem khellerstübl und sonst anderer orthen ipso facto abschaffen, die anzall der persohnen, so man unterhalten mueß aigentlich aufschreiben und offt zellen, item in der tirniz solle er beÿ denen persohnen, so daselbst hin zum essen verordnet sein, sowoll alß an der officir und schreiber tafl guete zucht und ordnung halten, auch niemandt frembden ohn sein erlaubnus nidersizen lassen, damit nichts widerwerttigs gehandlet, noch fürgenomben werde. Alle ubrig und unnuze persohnen, die sich in dem closter oder desselbigen zuegehörigen heüsern enthalten woltten, soll er abschaffen und aufs beldest weckh thun, aber die armen ellenden hauß armen allwegen befolchen haben. [§ 18] Item deß gottshaus weltlichen officir unnd dienner sollen ainen jeden hoff- maister mit gebührlicher gehorsam von deß gottshaus wegen respectiren und verehren, die er auch in nuzbarkheit deß gottshaus brauchen und für- dern soll, wie sich seinem ambt nach zu thun gebürth. Und welcher sich under den bemelten dienern gegen ihme mit ungehorsamb verhielt, soll er dieselbigen in schwären casibus ir g(naden) selbst, in ringernn aber dem, so daß goberno deß gottshaus inmittels in abwesen deß herrn praelathen anbevolhen, anzaigen oder nach gelegenheit der sachen gegen demselben mit zimblicher unnd gebührlicher straff verfahrn. 204