Seite - 209 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt unnd allen solchen auß gaben verzerth oder verschwendt, sonder schaden unnd nachthail verhüet werde etc. [§ 9] Ob er beÿ ainem oder mehr officiern , khnechten unnd diennern (ausser deß grunndtschreiber ) ainicherlaÿ unvleiß, unordnung, untreü oder ungehor- samb befunde oder erinert, soll er solches auf der obern cammer anzaigen, darauf mit notturfftige unnd gebührlicher straff verfahren unnd der massen einsehung beschehen möge, damit, wie vorbestimbt, allweeg guete polliceÿ unnd ordnung aufgericht erhalten werde. [§ 10] Auf daz man aber aigentlich wissenschafft haben mege, wie aller orthen gehaust werde unnd alle eingerissene unordnung alß baldt abgestelt unnd khunfftige verschwendung verhüetet, soll er alle wochen am Montag ihme die wochenzetl auß dem kheller , khuchl , pfister , spitahl , forst ambt unnd andern nothwendigen orthen vleissig unnd unverlengt über antwortten las- sen, dieselben alßbalt sambt dennen hierzue verordneten persohnen durch sehen, mit einander conferirn unnd waß unrecht verzaichnen, alß dan zu corrigir- unnd abstellung des übeln alle zue gleich ihr g(naden) volgenden tag überraichen, die befuntdnen errores anzaigen unnd alß dan auf guet haissen unnd bevelch sein, des herrn praelathen würckhlich eines unnd anders ohne verschub unnd aufzug zue exequiern unnd ins werckh zue sezen schuldig unnd pflichtig sein. Im fahl aber jemandts ohne erhebliche ursach, so er ihme hoffmaister eröffnen soll, in übergebung schuldiger seiner wo- chenzetl auf bestimbte tag saumbig unnd nachlässig erfunden wurde, solle er den selben nach gelegenheit unnd gebühr mit abschaffung brodt , wein , deß tischs, auch im fahl der noth gar mit leidenlicher gefenkhnus darzue ernstlich anzuhalten macht und gewalt haben. [§ 11] Er soll auch lauth aines inventarÿ die reüth ross sambt ihrer zue gehörung in bevelch haben, beÿ den reüth khnechten darob sein, daz sie den rossen in gemeltem reüth stahl vleissig warten unnd sonst ehrlich, zichtig unnd nit aufrüehrig oder ungebührlich sich haltten etc. [§ 12] Gleichfahls soll hoffmaister sonderlichen guet aufsehen haben, der wagen ross halben, daz ihnen mit vleiß gewartet werde, deß gleichen auf den forster , daz er mit dem waldt - unnd aukhnechten seinem ambt vleissig außwarte, insimili vom spitlmaister unnd maÿr zuverstehen etc. [§ 13] Die harnisch cammer , geschüz , pulver , khugl unnd andere khriegs notturff- ten, so diser zeit beÿ dem gottshauß ist unnd hernach darzu khombt, soll er lauth aines inventarÿ ihme derhalben zu gestelt in gueter huet unnd ver- wahrung halten, damit nichts davon vergeben, verlohren noch zue nachtail 209