Seite - 211 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt [§ 19] Er soll auch jeder zeit aufsechen unnd vleiß haben, auf daz beÿ nächtlicher weil alle thor gespört sein, die schlüssl ohne auf zug umb die gesezte stundt gewißlich an daz deputirte orth gebracht, daz unordnung mit auf- und zue- spöeren sommer - unnd winterszeiten verhüet unnd morgens unnd nachts guete unnd getreue verwahrung beschech, darumben er dem thor hüeter mit ernst darzue halten soll, daz er jederzeit beÿ dem thor sich befinden lasse unnd auf den auß- unnd eingang acht habe, auch ausser notturfft daz ganz thor nicht, sondern allein daß thüerl offen halte unnd der selbig thor hüeter soll vleissig aufsehen, waß man ein- oder außtrage, auch die jenigen, so etwaß austragen, recht fertigen, sonderlich aber nichts abgestohlens, waß daz immer sein müge, heimblich unnd verdeckhter zum closter hinaußtra- gen lasse. Es soll auch fort hin daz thor jeder zeit unter dem essen gespört sein, unnuz auß- unnd ein lassen unter der mahlzeit vermitten bleiben. [§ 20] Er solle auch winters zeit guete acht haben unnd nächtlicher weill alle zimmer besuechen, damit die zimmer nit überhaizt unnd sonderlich auf der türniz , schneidereÿ unnd officier , da man gemainkhlich zue spilen pflegt unnd unnuz gesindt ihren unterschlaiff haben unnd in den stuben auf c den penckhen herumb ligen. [§ 21] Unnd nemblichen, wan man beÿ dem gottshaus wein schenkht, soll er be- stellen, wan sich auf ruhr zuetruegen, daz mit der eÿl zugeschlagen unnd gespert werde, damit er sambt des gottshauß diennern, die ihme hierinen auf sein erfordern gehor(sam) sein sollen, desto stattlicher handlen unnd die aufrüehrigen zu der straff bringen müge. [§ 22] Wan zue dem gottshauß versehens unnd unversehens fürnembe unnd sonst ehrliche göst khumben, soll er die selbigen empfachen, ihnen conversando (sovil dienst halben ohne versaumbnus müglich) beÿ wohnen unnd zimbli- cher ansagung, auch notturfft, wie sich aines jeden standt nach gebüerth, zue gewürden unnd zue versehen geflissen sein. [§ 23] Er soll aber für sich selbst daz gottshauß mit besonderer unnd beschwärli- cher gastung nicht beladen, noch ohne deß herrn praelathen vorwissen zu khuchen unnd kheller wider gebühr schaffen, ob ihme aber sein freindt oder sonst ain gueter mann khäme, soll ers anzaigen, so dwüert mitd gewüerdung desselben gebührlich gehandlet werden. c über der Zeile ergänzt d –d über der Zeile ergänzt 211