Seite - 212 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 24] Wan er in des gottshauß sachen unnd handlungen über landt geschickht wüerdt, soll er sich leÿdentlicher zehrung mit gezimmender ersparung ge- brauchen unnd destwegen, wie auch alles seines empfangs unnd außgebens järlichen raittung uberraichen. [§ 25] Alles was ihme vom herrn praelathen anbevolchen unnd zuverrrichten de- mandirt wüerth, solle er gethreü, fürderlich, vleissig seinem besten vermü- gen unnd verstandt nach verrichten, waß er zu aufnembung des gottshauß fromben unnd verhüetung nachthails unnd schadens für träglich zu sein befindet, ihme grünndlichen entdeckhen, auch wan herr praelath im closter zue gegen, des tags zum wenigsten ainmahl, sonsten aber in der wochen unnd wan was wichtigs fürfelt, persohnlich anmelden, damit, waß in allen unnd jeden sachen für zunemben, mit ihme gehandlet werde. [§ 26] Dieweill aber nicht alle zue fallende sachen, so ainem hofmaister des gotts- haus notturfft nach zue handlen gebührn, in schrüfften gestelt werden khan, so sol er demanch nach gelegenheit der sachen die notturfft selbst bedenckhen unnd handlen, wie er sich dan gegen dem herrn praelathen dest wegen mit ainem revers in sonder heit zue obligirn hat. Dagegen soll ihme sein besoldung inhalt seiner bestallung ervolgen, dan der herr praelath behelt ihme bevor, dise instruction zue mündern, zue mehrn oder nach ge- staltsambe der sachen zueverändern, wie es die gelegenheit jederzeit geben wüerdt. Wo es sich aber begäb, daz sich genuegsamb ursach zue truegen unnd der herr praelath obgemelten herrn Johann Geörg Prantlen etc. zue solchem dienst nit lenger gebrauchen, sonder verkheren wolte oder er lenger zu diennen nit willens wehre, so soll ainer dem andern ain quatember vor außgang deß jahrs aufsagen. Zu urkhundt mit obgemeltes herrn praelathen hierunder gestelten hanndtschrüfft unnd petschafft verfertigt. [E] Geben zue Closterneüburg den 212