Seite - 249 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt 33. Revers des Hofmeisters Georg Mayr ohne Ort, [1584–1596] A StAKl, Hs. 31/3, fol. 15v–16v. Aufbau: P – 3 §. Datierung: nach den Regierungsdaten Propst Balthasars, der als Adressat des Reverses erwähnt wird. Überlieferungsform: Abschrift. PÜ: B StAKl, Hs. 31/2, unfoliiert: Abschrift. [P] aHerrn hoffmaisters reverß .a Ich, bGeorg Maÿr b, [§ 1] bekhenne hiemit offentlich füer mich unndt all meine ehrben mit krafft dises brieffs, das mich der ehrwierdig in Gott geistlich herr, mein genediger herr Balthasar c, probst unndt der convent gemainiglich unser lieben frauen gottshaus St. Leopoldi stifft zue Closterneuburg zue irem unndt ihres gotts- hauß hoffmeister bestelt unndt aufgenommen haben, dermassen das ich albemelten d meinem genädigen herrn unndt seiner g(naden) nachkhummen zue allen ihren unndt des gottshauß noturfften geleben unndt verpflicht mit meiner selbst person unndt zweÿen rossen sambt ainem khnecht , den ich selbst besoldten soll, wohin sie mich in ihrem unndt des gottshauß notturff- ten ordtnen unndt brauchen, gehorsamb zulaisten unndt gewärtig sein solle, nach meinem miglichstem vleiß ihro genaden unndt des gottshauß schadten wendten unndt frummen befüerdern. Wie ich dann solches ihr gnaden hie- mit disem reverß unndt zuvor inhalt ainer durch ihr genaden aufgerichten unndt durch mich mit aignem petschafft unndt hanndtundterschreibung gefertigten instruction unndt neben bestal brieff verfertigt unndt zuegestelt ist, beÿ meinen ehren unndt treuen denselben nach zue khommen, angelobt , verhaissen unndt geredt. [§ 2] Dagegen haben mir mein genädiger herr alle jahr jährlichen besoldung sech- zig pfundt pfening aines jeden quatember außzalen unndt den dritten thaill aller wandl unndt ihre fall derer underthanen unndt persohnen, so in meiner verwaltung sein, mein essen undt trincken, als ist über jedes mahl oberessen wein , darunter auch der schlafftrunck verstandten wirdt, an dem oberessen a –a B: Revers aines Hofmaisters zu Closterneuburg . b –b B: N. c B: N. d B: obbemelten 249