Seite - 254 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition pfundt rindtfleisch gegeben werden; dan solle für mich unnd die meinen zuer fastens zeitten anstatt aller fastens victualen fünffzechen khärpfen , zechen scheidt stokhfisch , zwainzig pfundt schmalz , dreissig häring unnd dreissig plateißen ordenlich geraicht werden. Beÿnebens haben auch ier g(naden) versprochen unnd gehaißen für mich unnd die meinen ein gebüh- rende unnd nit uberflissige notturfft von salz , holz , khraut , rueben unnd etwaß sonnst zimbliche fasten speis raichen zulaßen, alß wochentlich wegen der fastäg mehl , grieß , gerolte gersten , jedes ain mäßl, auch zwaÿ pfundt schmalz , zwelff aÿr und zwaÿ stikhl stockhfisch , deßgleichen von Michaelis biß auf Liechtmeßen wochentlich zechen officier - unnd meinem khnecht sechs gesindt-kherzen . Uber diß haben mir auch zue meiner gebürunden ergezung unnd zuanwendung mehrers vleiß ir g(naden) versprochen unnd einzunemben verwilligt, dem dritten pfening aller wandl unnd peenfähl aller derer underthan unnd persohnen, so unter meiner vewaltung sein, weillen sich auch, wie oben vermeldt zuerferttiger verrichtung meines ambts zweÿ reit pferdt zuhalten schuldig, haben mier ir g(naden) für dieselben roß fuetter, eißen unnd nagl zuegesagt unnd versprochen alß daz ich uber die obbestimbten außtrickhlich specificierten verhaissung unnd belohnungen mit recht unnd billichkhait nichts zufordern hab oder begehrn khan. [§ 3] Da es sich nun aber auß erhöblichen unnd genuegsamben ursachen begeben wurde, daß wolermelter h mein genediger herr mich von sollichen ambt und diennst verkhern oder aber ich nit lennger diennen unnd mich weitters bewerben wolte, so soll ain thail dem anndern dißes vorhaben vor außganng deß jahrs ein quartal verkhünden unnd aufsagen. Zue urkhundt unnd be- zeugnus diß hab ich Veith Segenseißen von Segenberg dißen reversbrieff mit meinem untergestelten petschafft und hanndtschrifft verferttigt. [E] Actum Closterneuburg den h folgt in B gestrichen: wolte, so soll ain thail dem anndern dises vorhaben vor 254