Seite - 258 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition schon zuerechnen 18 kr, so alsobalden in daß gföll buech ein zueschreiben unnd dem gottshauß zue verraithen ist unnd 4 kr ihme rändtschr(eiber) schreib gelt allein. Ebenmessig ist in kheüfen alzeit von jedem gulden 1 kr pfundtgelt zuverraithen unnd von dem kaufer und verkhaufer jedem 4 kr deß rendtschreibers schreibgebür , welches gleicher maßen mit auß fertigung der versazbrüef soll gehalten werden. [§ 6] Von ainem gwöhraußzug ist 12 kr dem rändtschr(eiber) allein gehörig. [§ 7] Von bewilligung zetl wegen aschäzung, rain- unnd stainung auf jedes grundt- stückh 18 kr deß randtschreibers gebüer. [§ 8] Unnd nach deme dem rändtschr(eiber) alle öede und haimb gesagte heußer zue stüfften obligen, so aber jedes mahls mit herrn oberkhellers wissen beschechen soll, haben sÿ beede einen billichen leÿkhauf in gleiche thailung zuenehmben. Waß aber von grundt obrigkheit wegen ex off(ici)o von herrn oberkheller unnd hofmaister verkaufft würdt, sollen sÿ beede miteinander den leÿkhauf zuthailen haben. [§ 9] In simili, wann mit ihr g(naden), deß herrn praelathen , vorwißen und befelch die weitentlegene thraidt- unnd wein-zehent in bestandt mechten verlassen unnd ein unbeschwärlicher leÿkhauf bedingt werden, soll herr oberkheller unndt rändtschreiber solchen alten gebrauch nach zuegleich zuegenießen vergunth sein. [§ 10] Deßgleichen ihnen beeden, so offt der taz auf gewiße jahr denen dorffschaff- ten einem oder andern verlassen würdet, gegen außfertigung der bstandt- brüef, so durch den rändtschreiber beschehen soll, der gebreuchige leÿkhauf, nach gestalt deß bstandts, mit einander zuempfachen zuegelassen werden. bc a so in B; fehlt in A b in B von anderer Hand unten ergänzt: Dan wan der verlaß der ackher im Stallinger veldt beschiecht, so hat auch herr oberkheller und rändtschreiber von denen bestandt- leiten ain zimblichen leitkhauff von ainer parteÿ zu 4 unndt 6 fl zubegehrn. N(ota) b(ene): dißer bestandt verlaß ligt auf der stellen beÿ deß rändtschreÿber tisch c in B am linken Rand von anderer Hand ergänzt: Nota: als ich hoffmaister gewesen, ist ain niemohl khain leitkauff geben oder gelossen worden, es sei ain behaust guet von herrn oberkheller und randtschreiber zuegestifft ode[r] ex officio verkaufft worden, der hoffmaister hat entgegen die keuff brief auf zurichten und die tax von dem käuffer ½taller für ein thail zunemen, der ander thail des kaufbrieffs bleibt alzeit auf der ränt camer unter den actis und ladulen in der camer der signirten dorffschafften. 258