Seite - 294 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition in khumen ist, legitimiern unnd nach jeder veränderung, ademnach auch die gwörn von ainer veränderunga, auf die ander ausgefüertt, die bestimbt gerechtigkhait gegeben werden. [§ 3] Wann ein guet durch geschäfft deßgleichen vermacht oder sonnst freÿ ledig übergäb an ainen khummen, vom stuckh gwor gellt 72 pfenning, zuschrei- ben 12 pfening, die gwör außzuthuen, 4 pfening, dem perckhmaister oder ambtman 12 pfening. [§ 4] Wann ein person mit der andern khopf umb khopf oder auf über leben geschriben unnd die ain abgeleÿbt, ist die überlebenndt person die gwor mit bestimbter gerechtigkhait widerumben zuempfachen schuldig. Unnd wo ain cohn person die annder in erster empfachung der gwor zu ir schreiben lässt, dise werden nuer für ein person verstanndten. Wo aber ein cohn person zuvor allein geschriben unnd die annder von neuen zu ir schreiben liesse, ist sÿ von jedem stueckh ein gwör schreÿbgellt unnd perckhmaisters gerechtigkhait zugeben schuldig. [§ 5] Wann ein guet, grundt, hauß oder weingartten verkhaufft wirdt unnd der khauffer an die gwör khumbt, müessen der verkhauffer und khauffer, sovil die khaufsuma ist, jeder vom pfunndt zween pfening, daz ist vom pfundt ein khreüzer geben, der verkhauffer (wo er anderst zuvor gwor gehabt, sonst müest er die bestimbter massen biß auf sein person mit erlegung der gebüerlichen gerechtigkhaitt richtig machen) von der gwor außzuthuen, ain khreüzer, der khaufer von der gwör zuschreÿben zwelf pfening unnd vom ambtman oder perckhmaister sein gerechtigkhait auch zwelf pfening. [§ 6] Wo ein grundt vertauscht wirdt, der ungevärlich beÿ zwanzig pfundt pfe- ning oder wenig darüber werth ist, geben der vertauscht unnd der an sich tauscht zu gleich für pfundt gellt , ein gwor gellt ist 72 d unnd zuschreiben außzuthuen unnd perckhmaisters gerechtigkhait, wie von khauffern unnd verkhauffern gehört. Wo aber der gründt oder guet merers oder ansehen- lichers wehrt, sollen beede thaill, der deß grunndt ab- und der deß anfert, darfür jeder geben ein gwor gellt, bringen bede 4 ß 24 d. Wo aber der grundt oder guet so ansehennlich unnd im hohen wehrt, das der, so abfert, aufgab empfanngen, mag daz pfunndt gellt beeden thaillen, eben wie oben, mit khauffen unnd verkhauffen gemelt, darauf geschlagen unnd für die über- maß deß außwexll halben nicht weniger daß bestimbt gwör gellt ervordert werden. a –a am linken Rand ergänzt 294