Seite - 295 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

5. Die Oberkammer [§ 7] Wann ein grundt, haus oder weingartten versezt wierdt, umb wievil gellt das ist, man von jedem pfundt dem grundtherrn ain khreüzer, vom saz zuschrei- ben 12 d unnd dem ambtman oder perckhmaister 12 d zugeben schuldig, es gleichwol, wie hievor mit khauffern unnd verkhauffern verstanden, jeder thaill sein gebüernuß geben, man lästs aber beÿ dem wie sÿ dergeleichen unnd der so entlehrt miteinander außgedinngt bleiben. [§ 8] Wann ein grundt abpaut oder verödt durch die geschwornnen umb daz sazgellt nämblich 72 d geschäzt b, gibt der, so den grunndt angenumen, gworgellt 72 d, schreÿbgellt 12 d, dem perckhmaister oder ambtman 12 d unnd den geschwornen perckhleütten ir gerechtigkhait 72 d unnd für die schaz zettl zwelf pfening. [§ 9] Wo grund zu frembdter hanndt ligen, durch die rechten erben nit besuecht werden, von grundt herrschafft wegen durch die geschwornen perckhleütt zuschäzen verordnet, nach solcher schazung weitter gefertigt und auf gaben von der schaz suma die versessnen grundt diennst oder perckhrecht , soverr deren unbezalt aussteen, ab zogen, die übermaß zuhanndten der erben , sol- che gebüern, beim grundtbuech aufgehalten unnd so erben zu gebüerlicher zeit heerfürkhummen, sich dem landtsbrauch nach darzue legitimiern, sein sÿ daz gwor gellt unnd alle gerechtigkhait, eben als ob sÿ umb den grundt gwor empfangen, zugeben unnd der grundtherr inen daz überig erlegt gellt, gegen versicherung zuezestellen schuldig. [§ 10] Den geistlichen unnd communiteten als bischoven, prelaten, pfarrherrn, beneficiaten zuhanden irer stifften auch zehenndten, spital , gemain und dergleichen werden nicht auf stät ewig oder immer werend gwor geben. Dann als solche güetter nicht erben , wurde den grundtherrn sein gwor recht dardurch abgeschnidten. Demnach werden denn geÿstlichen die gwor gefertigt, auf ir lebennlanng oder so lanng sÿ den stifften, vorstern oder in- nhaben unnd den communiteten, gemain , zehendt , spittal unnd dergleichen auf etlich, nämblich zehen oder zwelf jar, wie sÿ daz beÿ einem grundtherrn khünnen bekhummen, erhalten unnd in der gwor eingeleÿbt wirdt. Allso daz die bischofe, prelaten, pfarrherr, beneficiaten die gworn als offt ainer von neuen erwelt oder die stifft bekhumbt in jarsfrist die gwör umb jedes stuckh, wo die grunndt oder güetter in zimblichen, als beÿ hunndert pfunndtpfening unnd mer werdt, mit ainem hungerischen gulden oder ainer cronen in goldt, wo aber die grundt in schlechtem werth, mit dem gwöndtlichen gwor gellt. deßgleichen auch die communiteten, gemain , zehendt , spittal unnd derglei- b folgt gestrichen: sezt 295