Seite - 308 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 1] Erstlichen ist er dem herren prelaten mit allen treuen aÿdtlich unnder- worffen unnd waß ime von demselben anbevolchen unnd demandiert, soll er getreu, fleißig unnd fiedersamb seinem besten vermögen unnd verstandt nach verrichten. Waß er zue aufnemmung des gotshauß fromen unnd verhi- ettung nachtail unnd schadens fürträglich zue sein befindt, ime neben herrn oberkheller entdeckhen, auch wann herr praelat c zuegegen, deß tags zum wenigisten ainmall, sonnsten aber in der wochen unnd wann d waß wichtigs fürfallen wierdt, sich alzeit selbst persohnlich anmelden lassen, auf daß allen unnd jeden sachen fürzukhomen mit ime müge gehandlet werden. [§ 2] Anderten soll ein grundtschreiber vor allen dingen nit allein die grundt- büecher zuhandlen wissen, sondern auch aller deß gotshauß auf der obern cammer verhandenen grundtbüecher in guetter bekhanndtnuß unnd wi- ßenschafft haben, auß denselben beÿ seinem aÿd , mit wellichem er dem gotshauß unnderworffen ist, weder andern grundtherren, noch ÿemandts anndern unnd khainem menntschen nichts vertrauen, noch sÿ dieselben se- hen noch leßen lassen, damit in hanndlungen alsdan nit etwa dem gotshauß ichtes vergeben werd. [§ 3] Dritten sollen durch ainen grundtschreiber alle verträg -, khauff- , sipschafft- unnd testaments-hanndlungen , wie auch gewöhrferttigung , einnemung der waisengeltter , zallung, zehendt unnd perckhrecht allezeit auf der obern cammer beÿwesen des herrn e prelaten selbst oder dessen nachgesezten geistlichen herrn oberkhellner (auf wellichen er dann anstatt deß herren praelaten sein respect zuehaben schuldig unnd ohn dessen abwesenhait ainiche hanndtlung fürnemben solt) unnd kheines weegs in seinem haus ein- unnd fürgenomben, auch solliches alles in gehaimb unnd verschwi- gen gehaltten werden. In gleichem soll er auch ainiches grundt- oder ze- chentbuech (es beschehe dann mit verwilligung des herren praelaten oder oberkhellers ) in sein hauß tragen lassen, alle acta seiner hanndtlungen sollen täglich prothocolliert, f ain sonnderbares prothocoll unnd registratur darüber gehaltten werden, wie auch nit weniger alle erlegte waisengeltter , völligkhaiten oder herrn gföll unnd waß umb ausstendige zehenndt unnd perckhrecht bezalt wierdt (so ein oberkhellner allezeit einzuenemben unnd monatlich dem herren praelathen zuverreitten hat), soll er nach erlegung alßbaldt in daß gefellbuech einschreiben, die jenigen erleger darumben c folgt in B: im closter d fehlt in D und E e fehlt in B f folgt in B: unnd 308