Seite - 309 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

5. Die Oberkammer richtig quitieren unnd so wol in den zehentbüechern als remmanenzen fürzueschreiben in khain vergessenhait stellen, damit weder dem gottshauß noch ÿemandt annderen zue khuerz beschehen mag. Ebenmessig solt auch mit dennen hinaußgebennden waisengelttern (welliches allezeit durch ain oberkheller , so dergleichen geltter in seiner verwahrung hat, beschehen soll) ain solliche ordnung gehaltten, das daß gottshauß mit landtsbreüchigen verzüchts quittungen versichert unnd auch wann solliche geltter erlegt umb gueter nachrichtung willen in gden waisenbüecher g aintweder durch herrn oberkheller selbs oder in grundschreiber h beÿgeschriben werden. Item, so auch abwesent des herren prelaten unnd oberkhellers schwäre handtlungs sachen fürfüellen, soll grunntschreiber neben herren dechant oder ain an- dern geistlichen, auch in allweeg herrn hofmaister alß obristen officier (auf wellichen er ohne daß seinen respect zuhaben schuldig) darumben zue rath nemmen, damit er ime seinem verstandt unnd wissenschafft i nach guete as- sistenz laisten unnd dem gotshauß ichtes praejudicierlichs entstehen unnd vergeben werd. [§ 4] Viertten soll er täglich vormittag, sobaldt die groß glockhen geleit, unnd umb ain uhr nachmittag von dem herrn oberkheller die schlissel zue der ober- cammer durch den remmanenzer oder obersten schreiber abfordern lassen, neben beriertem remanenzer unnd anndern jschreibern auf die ober cammer gehn unnd hat vormittag an fleischtägen biß auf 10 uhr, an fasstägen aber k auf 11 uhr unnd nach dem essen bis auf vier uhr deß gotshauß geschäfft zuhandlen. lWaß er nun unnder sollicher zeit mit dennen erscheinenden partheÿen (doch allezeit beÿwessent aines herrn oberkhellers ) zuehanndlen,l solt alles mit glimpf unnd beschaidenhait beschechen. [§ 5] Finfften sein ime remmanenzer unnd schreiber allain zueschreibung deß gotshauß geschäfften (sonnst aber in allweeg herrn oberkheller , alß der diß orths des herrn praelaten persohn represendiert) unnderworffen, wellichen er aber auf der cammer in ainer sollichen zucht und ordnung zuehaltten m schuldig, damit khainer ohn des herrn oberkhellers unnd sein erlaubnus uber obernente stundten sich von seiner verrichtung absentiere, da innen dann auf sollichen fahl wein unnd brott abgeschafft werden solt. g –g B: dem waißenbuech h folgt in B: selbst i B: wissenhait j folgt in B: canzleÿ k B: biß; folgt in E: biß l –l fehlt in D und E m B und C: zuerhalten 309