Seite - 352 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition verkheren wolte, alß würdet ihme ihr g(naden) ein quatember vor außgang des jahrs oder er remanenzer deßgleichen aufkhünden. Zu urkhundt ist diße instruction mit wolermeltes herrn praelathens khleinern pralatur insigl und gewöhnlichen unterzognen handtschrifft verferttigt und mehrberüerten — angehendigt worden. [E] Actum Closterneüburg den — im sechzehenhundert siben und vierzigisten jahr. 60. Instruktion für den Remanenzer Nicolaus Happe von Propst Bern- hard II. Klosterneuburg, 1651 Juli 1 A StAKl, K 448, Nr. 9. Aufbau: R – P – 8 §§ – E. Überlieferungsform: Abschrift. [R] Instruction eines remanenzer de anno 1651. [P] Instruction , waßmassen der hochwürdig in Gott geistlich herr, herr Bernhardt brobst unnser lieben frauen gottshauß zue Clossterneüburg etc. den Nicolaum Happen , gebürtig von Gerden auß Westphalen zue einem remanenzer unndt dienner angenomben unnd wie er sich in seiner verrichtungen zue verhalten hat. [§ 1] Erstlich unnd vor allen dingen solle er dem herrn praelathen mit allen treüen aÿdlich unterworffen sein, seinem dienst vleissig zue aufnembung deß gottshauß nutzes verrichten, waß ihme von wohlgedachtem herrn prae- lathen auch ausserhalb der cammer anbevohlen wierdet, dem selben gehor- samblich nach khumben. [§ 2] Anderten solle er die schulden unnd remanenz büecher in gueter ordnung halten, die fexungen jährlich auß denen zehent büechern nemben unnd in dieselben mit vleiss eintragen, hernach jedtwedern, so remanenzen hat oder ville seiner grundtstuckhen solche zue haben unnd zue specificieren bedürfftig, den zehent neben dem gebührlichen perckhrecht unndt grundt dienst orndtlich unnd richtig raitten, nit weniger auch, daß waß ainer unnd der ander, es seÿ mit geldt oder mosst in abschlag erlegt unnd richtig macht, davon defalciern unnd abziechen, volgendts dan den verblibenen 352