Seite - 373 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

7. Die einzelnen Herrschaften, der Meierhof in Tuttendorf und der Lesehof in Krems willigelichen, nämblichen järlich füer sein person, auch seiner hausfrau, wagenkhnecht , purben, fiechdiern unnd diernl auf alle sechs personen or- dinarÿ bsöldung zweunndfüerzigckh gulden reinisch, davon soll er, unnser maÿr , die ehehalten ierer jars besoldung enntrichten unnd bezalln, auch wochentlich auf die obbemelten personen achtzehen phundt fleisch unnd nit mer, das soll er auf ainen rabisch nemen unnd denselben rabisch monatlich zu unnsern handen uberanntwortten, von pfister die notturfft mell oder traÿdt , wie es die gelegenhait gibt, von khuchl zimbliche fasten speÿß nach gelegenhait, wie man dise beÿ haus haben khan, holtz , saltz . [§ 2] Dargegen soll offternennter maÿr unnd maÿrin ieren diennst , inmassen wie inen bevolhen unnd verner bevolhen werden, alß nämblich zu feldt unnd zu dorff mit anpau, ackhern , tunnen, roß , khiefiech , schwein , hennen unnd annders vermüg ime gegebnen verfertigten inventarÿ der arbaÿt unnd wartung halben vleissig verrichten unnd auch er unnd sein hausfrau auf das gsündt , damit es nit müessig gee, auch das die a arbaÿt zu rechter weill unnd zeit verricht werde unnd das sunst nichts enntwenndt, ir fleissig aufmerckhen haben. Enntgegen ist er unns alles schmalz , putter , khäß , aÿr , millich , millichraumb , spensau unnd alles annders von obbemeltem fiech benent unnd unbenent zu unnsers gotshaus khuchlmaisters hannden gegen quittung zuüberanntwortten. Wover aber unnser maÿr von jungen fiechlen etwas aufziehen vermaint, das soll er mit unnserm vorwissen thain, damit solches in den inventarÿ eingeleibt müg werden. [§ 3] Es soll auch unnser maÿr hinfüeran khünfftig beÿ straf khainen mer, nie- mandt außgenomen (ausser unnsers vorwissen), weder roß noch gutschi leihen, wover er solches uberschreittn wuerde unnd wier des erfuern, soll mit straff gegen ime füerganngen werden. Doch behalten wier unns bevor solch bstallung jeder zeit zemindern, zumeren oder gar aufzeheben, nach unnserm wolgefallen. Treulich ungeverlich zu urkhundt geben wier ime disen bstallbrief mit unnserm pedschadt unnd hanndtschrifft verferttigt, [E] der geben ist zu Closterneuburg drÿssigisten tag Juli anno etc. im neunund- fünffzigisten. [L.S.] [Petrus]b propst zu Closter(neuburg) m.p. a folgt irrtümlich ein zweites Mal: die b von der Papiertextur des Siegels verdeckt 373